भजन संग्रह 18:7 - Sunuwar Bible

⁷ रागी हिम्‍शा, ख्रिनु कुत। मिनु डांडा नेल्‍ल हिम्‍साक्‍म। मारदे हिम्‍साक्‍म देंशा हना, परमप्रभु आ गाइक्‍तीकेम हिम्‍साक्‍म।

भजन संग्रह 18:7 ပူးပေါင်းရင်းမြစ်များ

भजन संग्रह 34:16

परमप्रभु यावेमी मरिम्‍शो पाइब आन कली कोव़ना कोव़न बाक्‍ब। मिनु मेको आन कली मिम्‍तीके का यो मवोइक्‍थु रागी रे क्‍याम्‍ब। हितोपदेस १०:७

भजन संग्रह 34:18

परमप्रभु यावे थुं लुक्‍च लशो आन नेक्‍था बाक्‍ब। आन थुं बेक्‍शो आन कली प्रोंइब। भजन संग्रह ५१:१९

भजन संग्रह 39:13

आं बेक्‍चा ङोंइती आं पर्बम गाइक्‍चा प्रोनीन। मिनु गो लेंशा ग्‍येरशा बाक्‍चा तङल” दे पुंइता।

भजन संग्रह 40:2

मेकोमी आं कली ग्रांग्रा दिचा ङा हिलोम बिक्‍शा बेक्‍तीक रे ग्रुंइताक्‍यी। मिनु आं कली सेरथे फुल्‍लु का तार राप्‍पाइक्‍ती। मिनु महिम्‍सीचा ङा पा नाइक्‍पाइक्‍ती।

भजन संग्रह 46:2

मोपतीके गो महिंनीकी। रागी नु डांडापुकी हिम्‍सीशा समुन्‍द्रम ग्रुम्‍तेक्‍म हना यो गो महिंनीकी।

येरमीया 4:24

मिनु गो डांडा आन कली कोव़ङुनु, मेकोपुकी ख्रिंख्रि पशो बाक्‍तेक्‍म। पहाड नेल्‍ल एर ओंथ हिम्‍‍सीशो बाक्‍तेक्‍म।

हबकुक 3:10

मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७

हबकुक 3:6

मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२

जकरिया 14:4

मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।

मत्ती 28:2

मिनु जाक्‍दीस्‍सानु, ठेयब ख्रिनु कुमाक्‍त। मारदे हना परमप्रभु यावे आ स्‍वर्ग ङा गेय पाइब का यिशा, सुशो ठेयब फुल्‍लु तिल्‍शा, मेको आ तारी निस्‍से बाक्‍त।

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।

न्‍यायाधीस 5:4

परमप्रभु यावे, सेइर रे पा गाक्‍नी ना, एदोम रागी रे लाइतीनी, मेना रागी नेल्‍ल ख्रिंख्रि पाप्‍तु। रेउ यित। गोस्‍सुमी रेउ यिपाइक्‍तु। ब्‍यवस्‍था ३३:२; हबकुक ३:३-६