भजन संग्रह 18:30 - Sunuwar Bible

³⁰ परमप्रभु आ लां ठीक बाक्‍ब। परमप्रभु यावे आ लोव़ क्‍येख सुन खोदेंशो बाक्‍ब। सु सु मेको कली जिम्‍मा गेंसीनीमी, मेको आन कली तेक्‍तीक बाक्‍ब।

भजन संग्रह 18:30 ပူးပေါင်းရင်းမြစ်များ

२ सामुएल 22:31

परमप्रभु आ लां ठीक बाक्‍ब। परमप्रभु यावे आ थोशा पशो लोव़ थमा बाक्‍ब। मेको आ बाक्‍तीकेम ख्रुंइसीब आन कली तेक्‍तीक बाक्‍ब।

भजन संग्रह 119:140

इन थोक्‍शा पशो लोव़ शुश रिम्‍शो बाक्‍ब। मिनु गो, इन गेय पाइबमी मेको दाक्‍नुङ।

भजन संग्रह 12:6

परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।

भजन संग्रह 17:7

आं कली इन गेना हना यो दाक्‍तीक इन ग्‍युरा गुइमी इन कली थमा सुइक्‍ब आन कली आन जोरी सत्रु रे प्रोंइनीनी।

भजन संग्रह 18:2

परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 25:10

परमप्रभु यावे आ कबल नु आ देंशो टीब नेल्‍ल परमप्रभु आ गेना हना यो दाक्‍तीके नु आ दाक्‍शा मप्रोंइतीकेमी ब्रीशो बाक्‍नीम।

हितोपदेस 30:5

परमप्रभु आ लोव़ नेल्‍ल थमा बाक्‍ब। सु मेकेर लशा ख्रुंइसीबा, मेको कली श्‍येत रे तेक्‍ब। भजन संग्रह १२:७

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७