भजन संग्रह 18:2 - Sunuwar Bible

² परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 18:2 ပူးပေါင်းရင်းမြစ်များ

२ सामुएल 22:3

आं परमप्रभु आं सेरथे फुल्‍लु आं ख्रुइक्‍तीके बाक्‍ब। मेको आं तेक्‍तीक नु आं ब्रोंइतीक बाक्‍ब। मेको आं बोल्‍यो दरवार नु आं फाम्‍सीतीक बाक्‍ब। मेको आं कली हुश ख्राक्‍श पोक्‍तीके रे प्रोंइब बाक्‍ब।

भजन संग्रह 116:1

गो परमप्रभु यावे कली दाक्‍नुङ। मारदे हना मेकोमी आं पुंइशो नु ब्रेश्‍शो नेंशो बाक्‍ब।

भजन संग्रह 132:17

गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६

भजन संग्रह 144:2

गो आं कली दाक्‍ब, आं दरवार, आं ख्रुइश्‍शा ब्रोंइ‍शा बाक्‍तीके, आं कली श्‍येत रे प्रोंइब नु आं तेक्‍तीक बाक्‍नीनी। गो इन बाक्‍तीकेमी ख्रुइश्‍शा बाक्‍नुङ। गे आं कली मुर आन कली सासन पाइब सेल्‍नीनी। भजन संग्रह १८:३

भजन संग्रह 19:14

परमप्रभु यावे, आं सेरथे फुल्‍लु नु आं कली श्‍येत रे प्रोंइब, आं पशो लोव़ नु आं मिम्‍शो ब्रने।

भजन संग्रह 28:1

परमप्रभु यावे, गो इन कली लोव़ पाइनुङ। गे आं सेरथे फुल्‍लु बाक्‍नीनी। आं कली लोव़ मलेत्‍थु, आं क्‍येङा ङोन मलने। मो पाइतीनी हना, गो बेक्‍शो मुर खोदेंशो दुम्‍नुङ।

भजन संग्रह 59:11

मेको आन कली मसतीन। मो पाइतीनी हना, आं मुरपुकीमी प्रेंनीमी। परमप्रभु, गे आंइ तेक्‍तीक बाक्‍नीनी। गे मेको आन कली इन सक्तिमी एर ओंथ ब्रपाइश्‍शा, आइक्‍च सेलीन।

भजन संग्रह 62:2

मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो गेनायो महिम्‍‍सीनुङ। भजन संग्रह १८:३

भजन संग्रह 62:7

आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।

भजन संग्रह 75:10

गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम।

भजन संग्रह 91:2

मेकोमी परमप्रभु यावे कली “गे आं ख्रुइक्‍तीक नु आं बोल्‍यो दरवार बाक्‍नीनी। गे आं परमप्रभु बाक्‍नीनी। गो इन कली थमा सुइक्‍नुङ” देंब।

भजन संग्रह 91:4

मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।

प्रस्‍थान 15:2

यावे आं सक्ति बाक्‍ब। आं कली कुम्‍सो पपाइक्‍ब। मारदे हना आं कली आ जोरी सत्रु रे प्रोंइती। मेको आं परमप्रभु बाक्‍ब। मिनु गो मेको कली ठेयब सेल्‍नुङ। परमप्रभु आं आफ आ परमप्रभु बाक्‍ब। मिनु गो मेको कली मान पाइनुङ। भजन संग्रह ११८:१४; यसैया १२:२

हितोपदेस 18:10

परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४

हितोपदेस 2:7

मेकोमी रिम्‍शो थुं पाइश्‍शो मुर आन कली तुइक्‍तीक थुं गे‍ब। मेको दोस मताइब आन कली तेक्‍तीके बाक्‍ब। भजन संग्रह ७:११

यसैया 32:2

मिनु मेको मुर नेल्‍ल फश रे ख्रुंइसीतीके, रेउ यिमेनु फाम्‍सीतीके, सोव़शो रागीमी ब्‍वाक्‍कु यितीके नु थम होश रागीमी ठेयब सेरथे फुल्‍लु आ वांकु खोदेंशो बाक्‍नीम।

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

हिब्रू 2:13

मिनु लेंशा “गो मेको कली थमा सुइक्‍‍नुङ” दे ब्रेक्‍शो बाक्‍त। मिनु चिनु लेंशा “नेनीन, परमप्रभु यावेमी आं कली गेशो तमी तौ, गो नेल्‍ल काथा बाक्‍नीकी” देंत। यसैया ८:१६-१७