भजन संग्रह 18:19 - Sunuwar Bible

¹⁹ मिनु आं कली प्रोंइशा, रिम्‍शो ब्रोंइशा बाक्‍तीकेम चाक्‍ती। मारदे हना आं कली दाक्‍शो बाक्‍त।

भजन संग्रह 18:19 ပူးပေါင်းရင်းမြစ်များ

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

अय्‍युब 36:16

मोपा इन कली यो श्‍येत रे ग्रुंइब। इन कली रिम्‍शो बाक्‍तीकेमी वोइक्‍ब। गे लेंशा ब्रोव़शो जचा थोव़क जचा ताइनीनी।

भजन संग्रह 118:5

गो श्‍येत जङानु, परमप्रभु यावे कली पुंइता। मिनु मेकोमी आं लोव़ लेत्‍ताक्‍यी। मिनु आं कली श्‍येत रे प्रोंइती।

भजन संग्रह 18:36

आं लां ठेयब सेल्‍तीनी। मोपतीके आं खोइली मग्रेक्‍थु, गाक्‍ने चाप्‍नुङ।

भजन संग्रह 31:8

गे आं कली आं जोरी सत्रु आन गुइमी मगेनी। गे आं कली रिम्‍शो ठेयब बाक्‍तीकेमी बाक्‍पाइक्‍तीनी।

भजन संग्रह 37:23

परमप्रभु यावेमी आ मुर आन थेक्‍तीक बोल्‍यो सेल्‍ब। मेको आन कली तशा ग्‍येरब।

भजन संग्रह 40:2

मेकोमी आं कली ग्रांग्रा दिचा ङा हिलोम बिक्‍शा बेक्‍तीक रे ग्रुंइताक्‍यी। मिनु आं कली सेरथे फुल्‍लु का तार राप्‍पाइक्‍ती। मिनु महिम्‍सीचा ङा पा नाइक्‍पाइक्‍ती।