भजन संग्रह 18:17 - Sunuwar Bible

¹⁷ मिनु आं कली मदाक्‍बपुकी नु आं क्‍येङा बोल्‍यो जोरी सत्रु रे प्रोंइती।

भजन संग्रह 18:17 ပူးပေါင်းရင်းမြစ်များ

२ सामुएल 22:1

परमप्रभु यावेमी दाऊद कली आ जोरी सत्रु नेल्‍ल नु सावल रे प्रोना नोले दाऊदमी परमप्रभु यावे कली कुम्‍सो पवा बाक्‍त।

२ सामुएल 22:18

मेकोमी आं कली आं बोल्‍यो जोरी सत्रु नु आं कली काइ मदाक्‍ब, रे प्रोंइती। मेको आं क्‍येङा शुश बोल्‍यो बाक्‍तेक्‍म।

अय्‍युब 16:9

परमप्रभुमी आ गाइश्‍शोमी आं कली एर ओंथ फ्रशो बाक्‍ब। मिनु आं कली काइ मदाक्‍ब। मेकोम आं पर्बम आ ख्रुइ शेप्‍शो बाक्‍ब। आं जोरी सत्रुमी आं कली सिम्‍ले पा कोव़शो बाक्‍नीम।

भजन संग्रह 118:7

परमप्रभु यावे गो नु बाक्‍शा, आं कली वारच पाइब बाक्‍ब। गो आं कली काइ मदाक्‍ब आन कली ग्राशा कोंइनुङमी।

भजन संग्रह 138:7

मिनु गो शुश श्‍येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्‍शो रे प्रोंइ‍नीनी। गे इन सक्तिमी आं कली प्रोंइनीनी।

भजन संग्रह 142:6

आं पुंइशो लोव़ नेनीन। मारदे हना आ थुं शुश लुक्‍च लत। आं कली खेदा पाइब रे प्रोंइयीनी। मारदे हना मेकोपुकी आं क्‍येङा बोल्‍यो बाक्‍नीम।

भजन संग्रह 144:7

इर रे इन गुइ दिंदीन। मिनु आं कली बारशो खोला नु अर्को रागी ङा मुर आन गुइ रे प्रोंइयीनी।

भजन संग्रह 25:19

आं जोरी सत्रु आन कली कोव़ङीन, मारदे हना मेको शुश बाक्‍नीम। मिनु मेकोपुकीमी आं कली काइ मदाक्‍नीम। भजन संग्रह ३५:१९

भजन संग्रह 35:10

मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी।

भजन संग्रह 38:19

आं जोरी सत्रु चहिं रिम्‍शो पा ब्रोंइशा, बोल्‍यो दुम्‍शो बाक्‍नीम। आं कली मोशान मदाक्‍ब शुश बाक्‍नीम।

भजन संग्रह 9:13

परमप्रभु यावे, आं कली शिशी पने, आं कली मदाक्‍बपुकीमी गेशो श्‍येत कोव़ङीन। गे आं कली बेक्‍चा चिक्‍शो रे प्रोंइतीनी।

लूका 19:14

मेको मुर गाक्‍म नोले मेको रागी ङा मुरपुकीमी ‘मेको मुर आंइ कली सासन पाइब मदुम्‍ल’ दे लोव़ कुरब मुर मेको पिप आ बाक्‍तीक सोइक्‍तमे बाक्‍त। मारदे हना मेको कली मदाक्‍बाक्‍मा बाक्‍त। यूहन्‍ना १:११