भजन संग्रह 17:8 - Sunuwar Bible

⁸ मिक्‍च दोदेंशो रिम्‍शो पा वोइश्‍शो बाक्‍बा, मोदेंशो पा आं कली यो रिम्‍शो पा वोतीन। इन फ्रां आगाम पुप्‍तीनी। ब्‍यवस्‍था ३२:१०; भजन संग्रह ६१:५; भजन संग्रह ६३:८; प्रस्‍थान ३७:७-९

भजन संग्रह 17:8 ပူးပေါင်းရင်းမြစ်များ

भजन संग्रह 16:1

“परमप्रभु, आं कली कोव़यीनी। मारदे हना गो इन कली जिम्‍मा गेंसीशो बाक्‍नुङ।

भजन संग्रह 36:7

परमप्रभु, इन गेना हना यो दाक्‍तीक थम रिम्‍शो बाक्‍ब। मिनु मुरपुकी इन फ्रां आगाम फाम्‍सीनीम।

भजन संग्रह 36:8

मेकोपुकी इन खिं ङा जचा तूचामी रूनीम। गे मेको आन कली इन ग्‍येरतीकेमी ग्‍येरपाइक्‍नीनी।

भजन संग्रह 57:1

परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२

भजन संग्रह 57:2

गो नेल्‍ल क्‍येङा ठेयब, परमप्रभु कली ब्रेत्‍नुङ। परमप्रभुमी आं पर्बम आ मिम्‍शो खाप्‍ब।

भजन संग्रह 61:4

गे आं कली इन ताम्‍बुमी गेना हना यो बाक्‍चा गेने। मिनु इन फ्रां आगाम ख्रुंइसीनुङ।ठेयब सेंदा पा। भजन संग्रह १७:८

भजन संग्रह 61:5

परमप्रभु, गे आं कसम जशो नेंतीनी। गे इन नें कली मान पा हिंब आन कली गेशो खोदेंशो पा, आं कली यो गेतीनी।

भजन संग्रह 63:7

मारदे हना गे आं कली वारच पाइब बाक्‍नीनी। मोपतीके गो इन प्रोंइतीके तुइश्‍शा, कुम्‍सो पाइनुङ। भजन संग्रह १७:८

भजन संग्रह 91:1

सु नेल्‍ल क्‍येङा ठेयब आ फाप्‍तीकेम बाक्‍बा नु नेल्‍ल क्‍येङा सक्ति पाइश्‍शो आ नेक्‍था बाक्‍बा,

भजन संग्रह 91:4

मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।

हितोपदेस 7:2

गे आं अरेशो मप्रेंताक्‍वी हना, गे ब्रोंइनेवे। आं शेंशो इ मिक्‍च खोदेंशो पा होस पा वोतो।

जकरिया 2:8

मारदे हना मुर नेल्‍ल आन परमप्रभु यावेमी इन कली रोइक्‍ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्‍च आ क्रिक्बील थी‍ब’ देंत। ब्‍यवस्‍था ३२:१०

मत्ती 23:37

ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।

लूका 13:34

मिनु यरूसलेम कली “ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोव़थीमी आ चितोली आन कली पुप्‍शो खोदेंशो पा, गो शुश खेयप इ आल आन कली पुप्‍चा माल्‍ती, गे चहिं मबिस्‍से। मत्ती २३:३७-३९; लूका १९:४१-४४

ब्‍यवस्‍था 32:10

मेकोमी याकूब कली सुइ मबाक्‍शो रागीम थुल्‍तु। गोरशो रागीमी कोव़शा थुल्‍तु। मिनु मेकोमी मेको कली आ एर ओंथ नेल्‍ल रे कोव़तु। मिनु मेको कली आ मिक्‍च कली खोदेंशो पा होस पा कोव़तु। भजन संग्रह १७:८; इजीकीएल १६:१०-१४; जकरिया २:१२

रूथ 2:12

परमप्रभु यावेमी इ कली रिम्‍शो पवल। परमप्रभु यावे, इस्राएली आन परमप्रभुम इ कली वारच पवल, दे मेको आ नेक्‍था जाक्‍ते। मेकोमी इ माल्‍शो नेल्‍ल गेवल” देंमाक्‍त। भजन संग्रह ३६:८