भजन संग्रह 17:15 - Sunuwar Bible

¹⁵ गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 17:15 ပူးပေါင်းရင်းမြစ်များ

२ कोरिन्‍थी 3:18

गो नेल्‍ल इं थुं गिल्‍शो वा हुक्‍शा, प्रभु आ छेङछेङ कोंइशा, प्रभु आ छेङछेङ पाइश्‍शो खोदेंशो दुम्‍शा फाइक्‍चा पुंइसाक्‍य। मेको फाइक्‍तीके बारना बारन लशा, इं कली छेङछेङ का रे अर्को छेङछेङम फाइक्‍ब। मेको नेल्‍ल प्रभु रे जाक्‍ब। मेको सोक्‍त बाक्‍ब। २कोरिन्‍थी ४:६

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

फिलिप्‍पी 3:21

मेकोमी इं बेक्‍चशो रां आ सक्ति पाइश्‍शो रां खोदेंशो सेल्‍ब। मेको आ सक्तिमी नेल्‍ल आन कली आ ङोंइती खुम्‍की पा बाप्‍पाइक्‍ब। १कोरिन्‍थी १५:४९; २कोरिन्‍थी ५:१; १यूहन्‍ना २:३

यसैया 26:19

इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३

भजन संग्रह 65:4

सु सु इन योव़चा पुंइसीशो बाक्‍नीमी, मेकोपुकी ग्‍येरसीशो बाक्‍नीमी। मेको आन कली इन खिंम बाक्‍पाइक्‍चा कली चाक्‍नीनी। गो इन खिं, इन आंम बाक्‍तीके ङा ब्रोव़शो थोव़कमी रू‍नीकी। भजन संग्रह ६३:३-४; भजन संग्रह ८४:२-५; ब्‍यवस्‍था ४:७

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०

यहोसु 24:15

तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

भजन संग्रह 119:111

इन देंशो लोव़ गेना हना यो आं शोंप बाक्‍ब। मारदे हना मेकोमी आं थुं शुश ग्‍येरपाइक्‍ब।

भजन संग्रह 49:14

मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।

भजन संग्रह 5:7

गो चहिं इन गेना हना यो ठेयब दाक्‍तीकेमी इन खिं ओव़चा ताइनुङ। मिनु गो इन कली मान पा हिंशा, इन खिं गे कोव़शा, पोक्‍च थेक्‍शा ठेयब सेल्‍नुङ। भजन संग्रह २६:८

अय्‍युब 14:12

मोपा बेक्‍शा लाइब मुर गोल्‍ब। मिनु मेको लेंशा गेनायो मबोक्‍ब। सरीङ मक्‍याम्‍से सम्‍म, बेक्‍शो मुर लेंशा मबोक्‍नीम। मेको आन निन्‍द्रा रे मसेंसीनीम। अय्‍युब ७:१०

येरमीया 31:26

गो ओशोमीन सेंसाक्‍यी। मिनु एर ओंथ कोव़शा, गो रिम्‍शो पा इप्‍ती, दे तुइक्‍ताक्‍ङ।