भजन संग्रह 16:4 - Sunuwar Bible

⁴ मिनु देवी देवता आन नोले खोइक्‍ब आन श्‍येत बारना बारन लाइब। मेको आन तूतीक चढ़ेतीक ङा हुश गेनायो मचढ़ेनुङ। मेको आन नें यो मथीनुङ।

भजन संग्रह 16:4 ပူးပေါင်းရင်းမြစ်များ

उत्पत्ती 35:14

मिनु याकूबमी परमप्रभु नु लोव़ पशो मिम्‍चा कली मेकेर फुल्‍लु का राप्‍पदा बाक्‍त। मिनु मेको आ तारी तूचा थोव़क चढ़ेतीक नु तेल लुक्‍ता बाक्‍त। उत्‍पत्ती २८:१८-१९

भजन संग्रह 32:10

इन अरेशो मटीबपुकी शुश श्‍येत जाइनीम। तन्‍न परमप्रभु यावे कली थमा सुइक्‍बपुकी आ गेना हना यो दाक्‍तीक ताइनीम।

भजन संग्रह 97:7

मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। येरमीया ४६:२५; हिब्रू १:६

प्रस्‍थान 23:13

आं अरेशो नेल्‍ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२

यसैया 57:6

बेंसी ङा खोला ङा रिम्‍शो फुल्‍लु इन कली वारच पाइब बाक्‍नीम। मेको आन कली तूचा थोव़क चढ़ेतीनी। मिनु अन्‍न यो चढ़ेतीनी। मार, गो मेको कोव़शा इन पर्बम सिक्‍सी पा बाक्‍नुङा ङा?

यसैया 65:11

तन्‍न गे परमप्रभु यावे कली प्रोंइबपुकी, आं योव़शो डांडा प्रेंबपुकी गाद देवता कली चढ़ेतीके सेल्‍नीनी। मिनु गे मेनी देवी कली ब्‍वाइश्‍शो तूतीके चढ़ेनीनी।

यसैया 66:3

मिनु सुमी ब्‍यफ साइक्‍बा, मेको मुर साइक्‍ब खोदेंशो बाक्‍ब। सुमी पाठा का चढ़ेबा, मेको कुचुम आ शुर जिक्‍ब खोदेंशो बाक्‍ब। सुमी अन्‍न चढ़ेबा, मेको पोव़ आ हुश चढ़ेब खोदेंशो बाक्‍ब। सुमी मिम्‍शा चढ़ेतीके धूप चोइबा, मेको मूर्ति पूजा पाइब खोदेंशो बाक्‍ब। मेको आन दला दाक्‍स पाइनीमी। आन ग्रांग्रा दिशो गेयमी ग्‍येरसीनीमी। १सामुएल १५:२२-२३

येरमीया 7:18

मेको आन आलपुकीम शी खुप्‍नीम। आन आफपुकीम मी मुइक्‍नीम। मिनु मीश मुरपुकीम सरीङ ङा पिपीम कली बटुक चोचा कली फस नीनीम। अरु देवी देवता आन कली तूचा थोव़क चढ़ेनीम। आं कली गाइक्‍पाइक्‍चा कली मो पाइनीम।

लेवी 23:13

मेको नु अन्‍न चढ़ेतीक चढ़ेचा माल्‍नीनी। मेको अन्‍न चढ़ेतीक चहिं तेलम निशो एफाह के २० भाग थम रिम्‍शो फस दुम्‍चा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। मेको नु तूचा थोव़क चढ़ेतीके हिन का ङा ४ भाग सेल्‍शो रे भाग का अङगुर शांबु चढ़ेचा माल्‍नीनी। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर बाक्‍ब। लोग आइक्‍च पुक्‍तीके का बाक्‍ब। मेको ०.३ लिटर रिक्‍ब। हिन अर्को पुक्‍तीक का बाक्‍ब। हिन का ४ लिटर खोदेंशो रिक्‍ब। हिन का ४ भाग सेल्‍शो रे भाग का लिटर का खोदेंशो बाक्‍ब।

योना 2:8

जाम्‍शा लाइब मूर्ति कली थमा सुइक्‍बपुकीमी इन शिशी मताइनीम। भजन संग्रह ३१:७

यहोसु 23:7

गे इन दातेमी बाक्‍शो अर्को रागी ङा मुरपुकी नु मब्‍वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्‍शा सेउ मपने। प्रस्‍थान २३:१३-२४