भजन संग्रह 149:6 - Sunuwar Bible

⁶ मेकोपुकीमी परमप्रभु कली ठेयब सेल्‍तीक कुम्‍सो पामेक्‍ल। मेको आन गुइमी निम्‍फा गे क्‍योरतीक पाइश्‍शो तरवार बाक्‍ल।

भजन संग्रह 149:6 ပူးပေါင်းရင်းမြစ်များ

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

भजन संग्रह 115:7

मेको आन के गुइ बाक्‍नीम, तन्‍न सुल्‍ने मचाप्‍नीम। खोइल बाक्‍नीम, तन्‍न गाक्‍ने मचाप्‍नीम। मेकोपुकीमी आन शोव़ रे मारेइ सेंदा ग्रुंइने मचाप्‍नीम।

भजन संग्रह 66:17

गो मेको कली ठेयब सेंदा पा पुंइता। गो मेको कली ठेयब सेल्‍ता।

भजन संग्रह 96:4

मारदे हना परमप्रभु यावे ठेयब बाक्‍ब। ठेयब सेल्‍शा मान पाइक्‍चा पुंइसीब बाक्‍ब। मेको देवी देवता नेल्‍ल आन क्‍येङा मान पा हिंचा माल्‍शो बाक्‍ब।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

ओबदिया 1:21

ब्रोंइशोपुकी सियोन डांडा ङोइश्‍शा कुइ‍नीम। मिनु एसाव आ डांडा कली सासन पाइनीम। मिनु मेको राज्‍य परमप्रभु यावे के दुम्‍ब।

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

प्रकाश 1:16

मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व।

प्रकाश 19:6

मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।

न्‍यायाधीस 3:16

मिनु एहूदमी आंम कली कुबीत का लाइश्‍शो निक्‍शी गे हेश्‍शो क्‍योरतीक पाइश्‍शो तरवार का सेल्‍शा, आ वा आगामी ग्‍युरा गे ख्रुइश्‍शा पिप्‍शा कुरा बाक्‍त। कुबीत का ०,५ मिटर कि ठेयब हात का खोदेंशो बाक्‍ब।