भजन संग्रह 149:4 - Sunuwar Bible

⁴ मारदे हना परमप्रभु यावे आ मुर आन पर्बम ग्‍येरसीशो बाक्‍ब। आइक्‍च मुर आन कली ग्रातीकेमी ग्‍योम्‍ब।

भजन संग्रह 149:4 ပူးပေါင်းရင်းမြစ်များ

भजन संग्रह 117:2

मारदे हना परमप्रभु यावे आ गेना हना यो दाक्‍तीके नु आ दाक्‍शा गेनायो मप्रोंइतीके ठेयब बाक्‍ब। मिनु आ दाक्‍शा गेनायो मप्रोंइतीके गेना हना यो लीब। मोपतीके परमप्रभु यावे कली ठेयब सेलीन। प्रस्‍थान ३४:६

भजन संग्रह 132:16

गो मेकेर ङा चढ़ेब आन कली मरिम्‍शो पतीके रे ब्रोंइतीक दोदेंशो बाक्‍बा तुइक्‍पाइक्‍नुङमी। मेकेर ङा थमा सुइक्‍बपुकी कुम्‍सो पा ग्‍येरसीनीम।

भजन संग्रह 147:11

तन्‍न परमप्रभु यावेमी आ कली मान पा हिंब नु आ गेना हना यो दाक्‍तीके कली रिम्‍ब आन कली दाक्‍ब।

भजन संग्रह 22:8

मिनु मेकोपुकीमी “परमप्रभु यावे कली थमा सुइक्‍ब, परमप्रभु यावेमी इन कली श्‍येत रे प्रोनल। मारदे हना परमप्रभुमी इन कली दाक्‍ब” दे शुक्‍शी पाइनीम। मत्ती २७:४३

भजन संग्रह 35:27

आं कली दाक्‍बपुकी आं ठीक पशो तशा, ग्‍येरसीशा कुम्‍सो पामेक्‍ल। मिनु मेकोपुकीमी गेना हना यो “परमप्रभु यावे आ नें ठेयब बाक्‍ल। मेकोमी आ गेय पाइब कली रिम्‍शो दुम्‍शो तचा दाक्‍ब” देंमल।

भजन संग्रह 90:17

परमप्रभु यावे, आंइ परमप्रभु, इन शिशी आंइ तार बाक्‍‍ल। मिनु आंइ गुइ ङा गेय रिम्‍शो दुम्‍ल। थमा पा, आंइ पशो नेल्‍ल रिम्‍शो सेलीन।

हितोपदेस 11:20

मरिम्‍शो थुं परमप्रभु यावे कली ग्रांग्रा बाक्‍ब। तन्‍न दोस मताइब रिम्‍शो थुं पाइश्‍शो मुर आन लां गाक्शो तशा ग्‍येरसीब।

ठेयब कुम्सो 1:11

गो इ कली सुन नु चांदी ख्राक्‍शा सिक्री सेल्‍नीकी।

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

हिब्रू 12:10

इं आफपुकीमी इं कली आन मिम्‍स पा नाक्‍ती का निक्‍शी सम्‍म शेंताक्‍म। स्‍वर्ग ङा आफोमी चहिं इं कली रिम्‍शो थुं पाइश्‍शो सेल्‍चा दाक्‍ब। पाप रे ङोन बाक्‍शो आ खोदेंशो दुम्‍शो तचा दाक्‍ब। मोपतीके इं कली शेंब।

१ पत्रुस 3:4

मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११