भजन संग्रह 149:3 - Sunuwar Bible

³ मेकोपुकीमी सिल पना पन मेको आ नें ठेयब सेल्‍मेक्‍ल। खैजडी नु बीना ताप्‍शा, मेको कली कुम्‍सो पामेक्‍ल।

भजन संग्रह 149:3 ပူးပေါင်းရင်းမြစ်များ

२ सामुएल 6:14

दाऊदम सुती के ऊरीम नु थुम्‍मीम कुरतीके पांइशा, परमप्रभु यावे आ ङोंइती आ जोंब बोक्‍शा सिल पवा बाक्‍त। प्रस्‍थान २८:६; १सामुएल २:१८; १सामुएल २२:१८

२ सामुएल 6:16

मिनु परमप्रभु यावे आ सन्‍दोस दाऊद आ सहरमी चाक्‍गमेनु, सावल आ तमी मिकालमी झेल रे कोव़ङा बाक्‍त। मिनु पिप दाऊद कली परमप्रभु यावे आ ङोंइती प्रेक्‍ना प्रेक्‍न, सिल पशो तशा, आ थुंमी ग्रांग्रा दिमाक्‍त।

१ इतिहास 16:42

हेमान नु येदुथून आस ताप्‍तीक तुराही नु बुप्‍‍केल यो बाक्‍मा बाक्‍त। परमप्रभु कली कुम्‍सो पचा कली अरु ताप्‍तीके यो बाक्‍मा बाक्‍त। येदुथून आ तौपुकी लाप्‍चो खाल पाइब बाक्‍मा बाक्‍त।

१ इतिहास 25:6

मिनु आन आफोमी परमप्रभु यावे आ खिंम मेको नेल्‍ल आन कली बीना ताप्‍चा, तार पाइश्‍शो ताप्‍तीके ताप्‍चा नु बुप्‍केल ताप्‍चा कली शेंशो बाक्‍माक्‍त। पिपमी आसाफ, येदुथून नु हेमान आन कली दोपा अरेवा, मोपा पामे बाक्‍त।

२ इतिहास 20:28

मिनु मेकोपुकीम ठेयब नु आइक्‍च तार पाइश्‍शो ताप्‍तीके नु तुराही ताम्‍ना ताम्‍न यरूसलेमम परमप्रभु यावे आ खिं जाक्‍मा बाक्‍त।

२ इतिहास 29:25

मिनु पिपम लेवी आन कली परमप्रभु यावे आ खिंम बुप्‍केल नु ठेयब नु आइक्‍च तार पाइश्‍शो ताप्‍तीके ताप्‍चा कली ठीक दुम्‍पाइक्‍मी बाक्‍त। मारदे हना ङोंइती दाऊदम, परमप्रभु यावे आ लोव़ ताइब, गाद नु नाथान रे पा मोदेंशो शेंशो बाक्‍माक्‍त। १इतिहास २५:१

एज्रा 3:10

मिनु परमप्रभु यावे आ खिं सेल्‍बपुकीमी जग वोइक्‍तेक्‍म। चढ़ेबमी आन वा फेक्‍शा तुराही ताप्‍तेक्‍म। आसाफ आ तौ लेवीपुकीम बुप्‍केल ताप्‍तेक्‍म। इस्राएल ङा पिप दाऊदमी अरेशो खोदेंशो पा परमप्रभु यावे कली ठेयब सेल्‍चा कली आन आन बाक्‍तीकेमी राप्‍तेक्‍म।

भजन संग्रह 30:11

गो रोंका पाइब मुर, सिल पाइब दुम्‍ती। आं रोंका पतीक अरन्‍डी प्रुइश्‍शा, ग्‍येरतीक किप्‍शुर खोदेंशो पा किप्‍ताक्‍यीनी।

भजन संग्रह 33:2

बीना ताप्‍शा, परमप्रभु यावे कली ठेयब सेलीन। १० ओटा तार पाइश्‍शो ठेयब ताप्‍तीक ताप्‍शा, मेको कली कुम्‍सो पने।

भजन संग्रह 81:2

खैजडी ताप्‍शा, कुम्‍सो पने। रिम्‍शो बीना नु तार पाइश्‍शो ठेयब ताप्‍तीक ताप्‍शा कुम्‍सो का पने।

भजन संग्रह 81:3

औंसी, पूर्ने नु इं ठेयब चाड नाक्‍त तुराही तापीन। लेवी २३:२४

भजन संग्रह 87:7

कुम्‍सो पाइब नु सिल पाइबपुकीमी “आंइ आसीक नेल्‍ल सियोनम बाक्‍ब” दे कुम्‍सो पाइनीम। भजन संग्रह ३६:१०

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

येरमीया 31:13

मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

न्‍यायाधीस 11:34

मिनु येफ्‍ता आ खिं मिस्‍पामी लेम्‍माक्‍त। मिनु आ तमी खैजडी ताप्‍शा, सिल पना पन मेको कली ग्रुम्‍थ जाक्‍माक्‍त। मेको आ तमी का ला बाक्‍माक्‍त। अरु आल मबाक्‍मा बाक्‍त।