भजन संग्रह 148:13 - Sunuwar Bible

¹³ मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।

भजन संग्रह 148:13 ပူးပေါင်းရင်းမြစ်များ

१ इतिहास 29:11

परमप्रभु यावे, नेल्‍ल क्‍येङा ठेयब दुम्‍तीके, सक्ति, छेङछेङ, ग्रातीके नु मान तचा पुंइसीतीके नेल्‍ल इन के बाक्‍नीम। मारदे हना रागी नु सरीङम बाक्‍शो मारेइ मारेइ इन के नम। परमप्रभु यावे, मेको राज्‍य इन के बाक्‍ब। गे नेल्‍ल क्‍येङा ठेयब बाक्‍नीनी। प्रकाश ४:११;५:१३

भजन संग्रह 108:4

मारदे हना इन गेना हना यो दाक्‍तीक सरीङ खोदेंशो ठेयब बाक्‍ब। मिनु इन दाक्‍शा मप्रोंइतीके गोस्‍स खोदेंशो पा इर ङोन लाइब। भजन संग्रह ३६:६; भजन संग्रह ५७:११

भजन संग्रह 113:4

परमप्रभु यावे रागी रागी ङा नेल्‍ल आन क्‍येङा ठेयब बाक्‍ब। मेको आ छेङछेङ स्‍वर्ग क्‍येङा यो इर बाक्‍ब।

भजन संग्रह 150:6

सोक्‍त पाइश्‍शो नेल्‍लेमी परमप्रभु यावे कली ठेयब सेलीन। परमप्रभु यावे कली ठेयब सेलीन। भजन संग्रह ४१:१४; प्रकाश ५:१३

भजन संग्रह 57:6

मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।

भजन संग्रह 72:19

मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३

भजन संग्रह 8:1

परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब। गे इन छेङछेङ सरीङ क्‍येङा आइक्‍था वोइक्‍तीनी। प्रस्‍थान ३:१३-१५

भजन संग्रह 8:2

आइक्‍च आल नु बुकलु आलपुकीमी इन कली ठेयब सेल्‍पांइसाक्‍नी। मोपा गे इन जोरी सत्रु नु क्‍येक्‍क लेप्‍ब आन कली ब्‍वालेइ पपाइक्‍तीनी। मत्ती २१:१६

भजन संग्रह 8:9

परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब।

भजन संग्रह 99:9

परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्‍ब।

ठेयब कुम्सो 5:16

ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

ठेयब कुम्सो 5:9

मिनु मेकोपुकीमी “गे नेल्‍ल क्‍येङा दारशो मीश आल, इ दाक्‍शो वोंइश मुर दोपा अरु आन क्‍येङा दाक्‍शो दुम्‍मे? मारदे मेको इ दाक्‍शो वोंइश मुर ठेयब दुम्‍मे? मारदे आंइ कली मोदेंशो पा अरेनेवे?” देंतेक्‍म।

यसैया 12:4

मेको नाक्‍ती गेपुकीमी “परमप्रभु यावेमी रिम्‍शो पाप्‍तु” दे मुर आन कली देनीन। मेकोपुकी नु लोव़ पने। मेको आ गेय रागी रागी ङा मुर आन कली तुइक्‍पतीन। आ नें नेल्‍ल क्‍येङा ठेयब बाक्‍ब, दे शेंदीने। १इतिहास १६:८; भजन संग्रह १०५:१

यसैया 33:5

परमप्रभु यावे मान ताइब बाक्‍ब। मेको इर, आ बाक्‍तीकेमी बाक्‍ब। मेकोमी सियोन ङा मुर आन कली ठीक निसाफ नु ठीक पतीके पपाइक्‍ब।

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

जकरिया 9:17

मेको आ दाक्‍तीके नु आ शिशी पतीके थम ठेयब बाक्‍ब। वोंइश आल ग्रेल्‍शो अन्‍न खोदेंशो पा शुश दुम्‍नीम। मीश आल नक अङगुर शांबु खोदेंशो पा दारशो दुम्‍नीम।

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

एफिसी 4:10

मिनु मेको रागी आगा तोंइ‍सीब सरीङ क्‍येङा ता लाइब यो बाक्‍ब। मोपा मेकोमी मारेइ मारेइ खाप्‍तु।

फिलिप्‍पी 3:8

थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१