भजन संग्रह 147:2 - Sunuwar Bible

² परमप्रभु यावेमी यरूसलेम कली सेल्‍ब। मेकोमी इस्राएल रे खेरशो ब्रशा बाक्‍शो मुर आन कली खुप्‍ब।

भजन संग्रह 147:2 ပူးပေါင်းရင်းမြစ်များ

नेहेम्‍याह 6:15

एलुल महिना ङा २५ नाक्‍त गोपुकीमी गारो सेल्‍ने थुम्‍तक। सेल्‍ने थुम्‍चा कली ५२ नाक्‍त माल्‍ताक्‍क।

नेहेम्‍याह 6:16

मिनु आंइ जोरी सत्रुपुकीमी एको लोव़ नेंतेक्‍म, देंशो नेंशा, आंइ एर ओंथ बाक्‍शो अर्को जात ङा मुर नेल्‍ल शुश हिंतेक्‍म। मिनु मेकोपुकीमी “इं परमप्रभुम पशो बाक्‍त” दे तुइक्‍ताक्‍म।

नेहेम्‍याह 7:4

सहर ठेयब बाक्‍ब। मिनु मुर शुश मबाक्‍तीके, ब्रशा बाक्‍शो बाक्‍तेक्‍म। मिनु सुइमी आन खिं लेंशा सेल्‍शो मबाक्‍म।

भजन संग्रह 102:17

मेकोमी श्‍येत जाइब आन पुंइशो नेंब। मिनु आन पुंइशो गेब।

भजन संग्रह 51:18

इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।

यसैया 14:32

मिनु रागी रागी ङा लोव़ कुरब आन कली मार देंनीनी? परमप्रभु यावेमी सियोन सेल्‍तु। मिनु आ मुर आन दाते ङा क्‍येट मथीब मेकेर रिम्‍शो पा बाक्‍नीम” देंत।

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 62:7

परमप्रभु यावेम यरूसलेम कली बोल्‍यो नु ठेयब मसेला सम्‍म मेको कली यो नाइक्‍चा मगेन। मिनु रागी नेल्‍ल ङा मुर आन ङोंइती तुइक्‍पाइक्‍चा कली मेको पने।

येरमीया 31:10

गे रागी रागी ङा मुरपुकी, परमप्रभु यावे आ लोव़ नेनीन। ङोन ङा समुन्‍द्र आ नेक्‍था ङा रागी नेल्‍ल आन कली नेंपतीन। मेको आन कली ‘इस्राएल कली ब्रपाइक्‍बम मेको आन कली ग्रुम्‍पाइक्‍ब। मिनु गोठलाम आन बगाल आन कली खाल पशो खोदेंशो पा, मेकोमी इस्राएली आन कली कोव़ब’ देंत।

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

येरमीया 32:37

कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३

इजीकीएल 38:8

शुश नाक्‍त नोले लडाइ पचा कली इन कली ब्रेत्‍नीम। गेपुकीम लडाइम श्‍येत्‍थ दुम्‍शा लेंशा सेल्‍शो रागी कली लडाइ तोइनीनी। मेको मुर शुश रागी रे खुप्‍शा, इस्राएल ङा पहाडम चाक्‍शो बाक्‍नीम। मेकेर शुश बर्स रे मुर मबाक्‍म। मेकोपुकी रागी रागी रे चाक्‍शो बाक्‍तेक्‍म। मिनु मुल मेको नेल्‍ल मारेइ मदुम्‍थु रिम्‍शो पा बाक्‍शो बाक्‍नीम।

दानीएल 9:25

मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।

मीका 4:6

परमप्रभु यावेमी मार देंत देंशा हना “मेको नाक्‍ती गो खोइल मदुक्‍ब आन कली खुप्‍नुङमी। मिनु गो खेरशो नु श्‍येत जशो आन कली खुप्‍नुङमी। येरमीया ३१:८; ब्‍यवस्‍था ३०:४

जकरिया 8:7

मुर नेल्‍ल आन परमप्रभु यावेमी मार देंत देंशा हना “गो आं मुर आन कली पूर्ब ङा रागी नु पच्‍छिम ङा रागी रे पा प्रोंइ‍नुङमी।

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

ब्‍यवस्‍था 30:3

मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७