भजन संग्रह 143:8 - Sunuwar Bible

⁸ आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।

भजन संग्रह 143:8 ပူးပေါင်းရင်းမြစ်များ

भजन संग्रह 119:34

गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।

भजन संग्रह 119:73

गे आं कली सेल्‍तीनी। मिनु इन शेंशो लोव़ शेंसीचा कली रुप्‍तीक थुं गेयीनी।

भजन संग्रह 143:10

आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी।

भजन संग्रह 25:20

आं कली खाल पा प्रोंइ‍यीनी। गो मुने मदोक्‍ङल। मारदे हना इन कली जिम्‍मा गेसाक्‍यी।

भजन संग्रह 27:11

परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४

भजन संग्रह 30:5

मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८

भजन संग्रह 32:8

मिनु परमप्रभुमी “गे तेको लांम गाक्‍चा माल्‍नीनी, मेको इन कली शेंनन्‍नी। गो इन कली कोव़शा, लां कोंइनन्‍नी।

भजन संग्रह 42:8

मिनु गो नाक्‍ती परमप्रभु यावे आ गेना हना यो दाक्‍तीके तुइक्‍नुङ। मिनु नाक्‍दो आ कुम्‍सो आं थुंमी बाक्‍ब। मेको आं कली ब्रोंइचा गेब परमप्रभु नु लोव़ पतीके बाक्‍ब।

भजन संग्रह 46:5

मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।

भजन संग्रह 5:8

आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन।

भजन संग्रह 59:16

तन्‍न गो चहिं इन सक्ति आ पर्बम कुम्‍सो पाइनुङ। सुनी कना गो इन गेना हना यो दाक्‍शो आ पर्बम कुम्‍सो पाइनुङ। मारदे हना गे आं ब्रोंइशा बाक्‍तीक बोल्‍यो दरवार बाक्‍नीनी। मिनु श्‍येत जङानु, आं ख्रुइक्‍तीक बाक्‍नीनी।

भजन संग्रह 86:4

इन गेय पाइब आ थुं ग्‍येरपतीन। मारदे हना गो आं थुं परमप्रभु, इन कली जिम्‍मा गेनुङ।

भजन संग्रह 90:14

सुनी आंइ कली इन गेना हना यो दाक्‍तीकेमी ग्‍येरपाइक्‍की। मिनु गो ब्रोंइका सम्‍म ग्‍येरशा कुम्‍सो पा बाक्‍ने चाप्‍कल।

यसैया 30:21

मिनु गेपुकीमी “ग्‍युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्‍ब, मेको लां गाक्‍कीन” देंशो नेंनीनी। ब्‍यवस्‍था ५:३२

यसैया 48:17

इन कली श्‍येत रे प्रोंइब इस्राएली आन का ला बाक्‍शो परमप्रभुमी “गो परमप्रभु यावे, इन परमप्रभु नङ। गो इन कली रिम्‍शो दुम्‍चा कली शेंनुङ। मिनु तेको लां लचा माल्‍नीनी, मेको कोंइनुङ।

बिलाप 3:41

गो आंइ थुं नु गुइ स्‍वर्ग ङा परमप्रभु गे पोक्‍य।

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

न्‍यायाधीस 13:12

मिनु मानोआहमी “इन देंशो लोव़ दुम ङा मेरे मेको वोंइश आलमी मार मार पचा दुम्‍बा, मार मार पचा मदुम्‍बा” दे हिल्‍लो पवा बाक्‍त।

१ सामुएल 23:12

मिनु दाऊदमी “मार कैलाह ङा मुरपुकीमी गो नु आं मुर आन कली सावल आ गुइम गेनीमी?” देंमाक्‍त। मिनु परमप्रभु यावेम “मो पाइ‍नीम” देंमाक्‍त।