भजन संग्रह 142:1 - Sunuwar Bible

¹ गो परमप्रभु यावे कली वाइ ब्रेत्‍नुङ। गो परमप्रभु यावे कली पुंइनुङ।

भजन संग्रह 142:1 ပူးပေါင်းရင်းမြစ်များ

१ इतिहास 4:10

मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्‍शा गेयीनी। गे गो नु बाक्‍कीन। आं कली श्‍येत रे ङोन वोइय्‍यीनी” दे पुना बाक्‍त। मिनु परमप्रभुमी मेको आ पुंइशो गेवा बाक्‍त।

भजन संग्रह 141:1

परमप्रभु यावे, गो इन कली पुंइनुङ। मिनु गे रीब पा जाक्‍कीन। गो इन कली पुंइशा ब्रेङङानु, आं ब्रेश्‍शो नेनीन।

भजन संग्रह 28:2

आं पुंइशो लोव़ नेनीन। गो इन योव़शो बाक्‍तीके रे आं गुइ पोक्‍शा “वारच पाइय्‍यीनी” दे आं ब्रेश्‍शो लोव़ नेनीन।

भजन संग्रह 30:8

परमप्रभु यावे, गो इन कली पुंइता। गो इन कली ब्रेत्‍ती।

भजन संग्रह 32:1

सु सु आन हेंथे पशो क्‍याम्‍चा पुंइसीशो बाक्‍मा, मेको ग्‍येरसीशो मुर बाक्‍नीम। मारदे हना आन पाप सुम्‍शो बाक्‍ब। रोमी ४:६-८

भजन संग्रह 54:1

परमप्रभु, इन नेंमी आं कली प्रोंइयीनी। इन ठेयब सक्तिमी आं कली दोस मताइब बाक्‍ब, दे कोंइदीन।

भजन संग्रह 57:1

परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२

हिब्रू 11:38

तेइ बाक्‍चा मतथु, जचा फेक्‍चा मतथु, भेडा नु क्‍यारश आन कुशुल फेक्‍शा, एर ओंथ हिरना हिरन गोरशो रागी रोंगुमी प्रोक्‍शा, पुक्‍खीमी ख्रुइक्‍ना ख्रुइक्‍न बाक्‍मा बाक्‍त। मोपा श्‍येत जाइब आन कली एको रागीमी बाक्‍शा ब्रोंइचा मगारब। मारदे हना रिम्‍शो मुर बाक्‍नीम। एको रागी चहिं मरिम्‍शो बाक्‍ब।

१ सामुएल 24:3

मेको लांमी भेडा योव़बपुकी बाक्‍मा बाक्‍त। मेको आ नेक्‍था पुक्‍खी का यो बाक्‍माक्‍त। मिनु सावल मेको आगा ङाइक्‍चा कली ओव़माक्‍त। मेको पुक्‍खी आ नेल्‍ल क्‍येङा आगाम दाऊद नु आ मुरपुकी ख्रुइश्‍शा बाक्‍शो बाक्‍मा बाक्‍त।

१ सामुएल 24:4

मिनु दाऊद आ मुरपुकीम “परमप्रभु यावेम देंशो खोदेंशो पा इन जोरी सत्रु कली इन गुइमी गेतीक नाक्‍त मुलाक्‍त बाक्‍ब। एको कली मार पचा दाक्‍नीनी मेको पने चाप्‍नीनी” देंमा बाक्‍त। मिनु दाऊद सिक्‍सी पा लशा, सावल आ वा आ सुर का रिक्‍गा बाक्‍त। भजन संग्रह १४२:१