भजन संग्रह 140:3 - Sunuwar Bible

³ मेकोपुकी कोक्‍चा चिक्‍शो बुस्‍स खोदेंशो बाक्‍नीम। मेको आन लोव़ बुस्‍स आन बीस खोदेंशो बाक्‍ब। ठेयब सेंदा पा।रोमी ३:१३

भजन संग्रह 140:3 ပူးပေါင်းရင်းမြစ်များ

उत्पत्ती 3:13

मिनु परमप्रभु यावेमी मेको मीश मुर कली “मार पवी?” दे हिल्‍लो पवा बाक्‍त। मीश मुरुमी “बुस्‍सुमी आं कली जोल पा ब्‍वपाइक्‍ती। मिनु गो ब्‍वाता” देंमाक्‍त। २कोरिन्‍थी ११:३

भजन संग्रह 57:4

गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब।

भजन संग्रह 58:4

मेको आन बीस बुस्‍स आन बीस खोदेंशो बाक्‍ब। मेको थम ठेयब बुस्‍स आन नोफा सुशो खोदेंशो बाक्‍नीम।

भजन संग्रह 59:7

मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।

हितोपदेस 12:18

मुर आन ममिम्‍थु पशो लोव़मी तरवार खोदेंशो पा थोक्‍ब। तन्‍न जोक्‍ब तुइक्‍ब मुर आन लोव़मी सापाइक्‍ब। हितोपदेस १३:३

हितोपदेस 23:32

मिनु मेकोमी नोले बुस्‍सुमी खोदेंशो पा कोक्‍ब। मेको बीस पाइश्‍शो कोक्‍ब बुस्‍स खोदेंशो बाक्‍ब।

हितोपदेस 6:14

मेको आन दूली थुंमी मरिम्‍शो मिम्‍नीम। मेकोपुकीमी गेना हना यो मुर आन कली जि‍पा‍इक्‍नीम।

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

बिलाप 3:62

मेकोपुकी नेल्‍ल नाक्‍त आं पर्बम ख्रुइश्‍शो लोव़ पा, नोफा मुइक्‍मुम्‍तेक्‍मे।

मत्ती 12:34

ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३