1 परमप्रभु यावे, आं कली मरिम्शो पाइब आन गुइ रे प्रोंइयीनी। आं कली हुश ख्राक्श पोक्ब आन गुइ रे प्रोंइयीनी।
मुर आन पर्बम जोल पाइब रागीम मदुम्मल। हुश ख्राक्श पोक्बपुकी रीब पा खतम दुम्मल।
परमप्रभु यावे, इन अरेशो मटीब नु हुश ख्राक्श पोक्ब मुर आं क्येङा ङोन वोतीन। मेकोपुकीमी आं कली दाइल पपाइक्चा माल्नीम।
परमप्रभु यावे, बोक्कीन। मेको आन कली दोक्पतीन। आं कली इन तरवारमी इन अरेशो मटीब मुर रे प्रोंइयीनी। गन्ती १०:३५
मेकोमी आं जोरी सत्रु रे प्रोंइती। मेको आन क्येङा आं कली ठेयब सेल्ती। मिनु आं कली दिप्शा हुश ख्राक्श पोक्ब आन क्येङा प्रोंइती।
परमप्रभु, आं कली वारच पाइय्यीनी। इन कली थमा मसुइक्ब मुर आन पर्बम आं पोन बोक्कीन। मिनु जोल पाइब नु मरिम्शो पाइब मुरपुकी रे आं कली प्रोंइयीनी।
आं परमप्रभु, गे आं कली इन अरेशो मटीब आन गुइ रे राइक्तीनी। ठीक मपाइब नु तुप्शा दिप्ब मुर आन गुइ रे राइक्तीनी।