भजन संग्रह 14:6 - Sunuwar Bible

⁶ मुरपुकीमी प्रुङग आन मिम्‍शो बिग्रेचा दाक्‍नीम। तन्‍न परमप्रभु यावे मेको आन ख्रुइक्‍तीके बाक्‍ब।

भजन संग्रह 14:6 ပူးပေါင်းရင်းမြစ်များ

भजन संग्रह 142:5

परमप्रभु यावे गो इन कली ब्रेत्‍ताक्‍ङ। गो “गे आं ख्रुइक्‍तीके बाक्‍नीनी। ब्रोंइशा बाक्‍ब आन रागीमी गे आं भाग बाक्‍नीनी” देंती। भजन संग्रह २७:१३

भजन संग्रह 3:2

मिनु मेकोपुकीमी आं पर्बम “परमप्रभुमी मेको कली श्‍येत रे मप्रोंइब” देंनीम। ठेयब सेंदा पा।

भजन संग्रह 4:2

गे मुरपुकी, गेना सम्‍म आं कली मान मपाइनीनी? गेना सम्‍म गेपुकी जाम्‍शा लाइब थोव़क दाक्‍नीनी नु जोल पाइनीनी? ठेयब सेंदा पा।

भजन संग्रह 40:17

गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।

भजन संग्रह 42:10

आं कली दिप्‍बपुकीमी आं रुश जिक्‍शो खोदेंशो पा शुक्‍शी पाइनीम। मिनु मेकोपुकीमी गेना हना यो “इ परमप्रभु ते बाक्‍मे” दे शुक्‍शी पा, हिल्‍लो पस ङा पस बाक्‍नीम।

भजन संग्रह 46:1

परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।

भजन संग्रह 9:9

परमप्रभु यावे दिप्‍चा पुंइसीशो मुर आन कली बोल्‍यो दरवार खोदेंशो बाक्‍ब। श्‍येत जशो आन कली बोल्‍यो ख्रुइश्‍शा बाक्‍तीक बाक्‍ब।

इजीकीएल 35:10

गो परमप्रभु यावे मेक बाक्‍ती हना यो, गे ‘मेको रागी निक्‍शी नु राज्‍य निक्‍शी आं के दुम्‍ब। मिनु गो मेको आन कली हुकुम पाइनुङ’ देंते।

दानीएल 3:15

गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५

हिब्रू 6:18

मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।