भजन संग्रह 136:16 - Sunuwar Bible

¹⁶ मेकोमी आ मुर आन कली गोरशो रागीम लां कोंइताक्‍मी। मारदे हना मेको आ दाक्‍तीके गेना हना यो लीब।

भजन संग्रह 136:16 ပူးပေါင်းရင်းမြစ်များ

ब्‍यवस्‍था 8:15

मेकोमी इन कली ठेयब हिंचा ङा गोरशो रागीम बाक्‍पाइक्‍तु। मेकेर बीस पाइश्‍शो बुस्‍स नु बिच्‍छी बाक्‍तेक्‍म। मेकोमी इन कली सोव़शो रागीम हिरताक्‍व। मिनु इन पर्बम ठेयब फुल्‍लु रे ब्‍वाक्‍कु बुक्‍पाइक्‍तु। गन्‍ती २१:६; प्रस्‍थान १७:६

प्रस्‍थान 15:22

मिनु मोसामी इस्राएली आन कली लल समुन्‍द्र रे शुर माइश्‍शो गोरशो रागी कोंइताक्‍व। मिनु मेको गोरशो रागीमी नाक्‍त सां सम्‍म गाक्‍मानु, ब्‍वाक्‍कु मथिदेम। उत्‍पत्ती २०:१

प्रस्‍थान 13:18

मोपा परमप्रभुमी इस्राएली आन कली गोरशो रागी रे लल समुन्‍द्र गे ङा लां कोंइताक्‍व। मिनु इस्राएली इजीप्‍त रागी रे गाक्‍मानु, लडाइ पचा कली यो ठीक दुम्‍शो बाक्‍तेक्‍म।

भजन संग्रह 77:20

मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता।

ब्‍यवस्‍था 8:2

मिनु परमप्रभु यावे, इन परमप्रभुमी इन कली ४० बर्स सम्‍म गोरशो रागीमी बाक्‍पाइक्‍तु। इन कली मारदे मोदेंशो पाप्‍तु देंशा हना, इन कली ब्रेम्‍पाइक्‍चा, इन थुं नाक्‍चा नु गे इन नेल्‍ल थुंमी आ शेंशो पाइनीनी देय मपाइनीनी, दे तुइक्‍चा कली इन कली मेको ४० बर्स सम्‍म मेकेर गाक्‍पाइक्‍तु। ब्‍यवस्‍था १३:४; उत्‍पत्ती २२:१; प्रस्‍थान १६:४; प्रस्‍थान २०:२०; न्‍यायाधीस २:२२

यसैया 49:10

शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६

नेहेम्‍याह 9:19

गे मेको आन कली शुश शिशी पशा, गोरशो रागीमी प्रोंइशा मसोइक्‍तीनी। आन लतीक लां तपाइक्‍चा कली नाक्‍त गोस्‍स के थाम नु नाक्‍दो मी के थाम दुम्‍‍शा गेनायो मप्रोंइनी।

नेहेम्‍याह 9:12

आंइ किकी पिपी आन कली नाक्‍त गोस्‍स के थामम लां कोंइताक्‍नी। मिनु नाक्‍दो आन लां तपाइक्‍चा कली मी के थाम दुम्‍शा लां कोंइताक्‍नी।

ब्‍यवस्‍था 11:5

मिनु एको रागी मजाक्‍शो सम्‍म गोरशो रागीम मेकोमी इन कली मार मार पवा, मेको गे तुइश्‍शो बाक्‍नीनी।