7 मेकोमी रागी आ सुर सुर रे गोस्स पोक्ब। मेकोमी चिला दाप्पाइश्शा, रेउ यिपाइक्ब। मिनु मेकोमी आ बाक्तीक रे फश पपाइक्ब। येरमीया १०:१३
मिनु परमप्रभु यावेम रागी सोव़शो शुश नाक्त नोले बर्स सांमी एलीया कली लोव़ पवा बाक्त। मार लोव़ पवा बाक्त देंशा हना “गे लशा, आहाब कली ग्रुमो। मिनु गो रागीम रेउ यिपाइक्नुङ” देंमाक्त।
मेकोम खप कली रेउ यिपाइक्ब। मिनु रू कली ब्वाक्कु सोइक्ब।
मिनु मेकोमी अरेशा, ठेयब फश गिवार पपाइक्तु। मिनु ठेयब समुन्द्र आ छाल पोक्तु।
मी नु मुप्स, फुं नु फुरश नु फश गिवारमी आ देंशो टीनीम।
मेकोमी सरीङमी पूर्ब ङा फश सोइक्ताक्व। मिनु मेको आ सक्तिमी दक्खिन रे फश पपाइक्तु। गन्ती ११:३१-३३
मेकोमी लोव़ पवानु, सरीङ रे रेउ यीब। मेकोमी रागी आ सुर रे गोस्स आन कली पोक्ब। मेकोमी रेउ नु चिला पपाइक्ब। मिनु फश आ बाक्तीक रे फश पपाइक्ब। भजन संग्रह १३५:७
रागी रागी ङा मुर आन देवी देवता आन दाते ङा तेकोइमी रेउ यिपाइक्ने चाप्नीमी ङा? मार, सरीङ आमा रेउ यिपाइक्ने चाप्बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइनीकी। मारदे हना गे ला एको नेल्ल पने चाप्नीनी” देंती।
मेकोमी लोव़ पवानु, सरीङमी रेउ यिशा, गरङ गुरुङ पाइब। मेकोमी रागी आ सुर रे गोस्स पोक्ब। रेउ नु काथ काथा चिला दाप्पाइक्ब। मिनु फश आ बाक्तीक रे ग्रुंइशा, फश पपाइक्ब। बजन संग्रह १३५:७
मिनु परमप्रभु यावेमी समुन्द्रमी ठेयब फश पपदा बाक्त। मोपा ठेयब फश गिवारम पतीके मेको डोंगा जिक्चा चिक्ता बाक्त।
परमप्रभु यावे कली नोले ङा रेउ पुनीन। परमप्रभु यावे गोस्स नु फश सेल्ब बाक्ब। मिनु इन कली नु रू नेल्ल आन कली रेउ यिपाइक्ब।
फश ते रे जाक्ब, ते लाइबा मतुंइसीब। आ रेयके नेंशा यो ते रे ग्रूबा, ते ते लाइबा, मतुंइसीब। परमप्रभु यावे आ सोक्त रे जरमेशो मुर मेको खोदेंशो बाक्नीम” देंत।