भजन संग्रह 135:1 - Sunuwar Bible

¹ परमप्रभु यावे कली ठेयब सेलीन। परमप्रभु यावे आ नें ठेयब सेलीन। परमप्रभु यावे आ गेय पाइबपुकी, मेको कली ठेयब सेलीन।

भजन संग्रह 135:1 ပူးပေါင်းရင်းမြစ်များ

१ इतिहास 6:17

गेरशोम आ तौ आस नें लिब्‍नी नु शिमेइ बाक्‍सा बाक्‍त।

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

भजन संग्रह 102:21

मोपा “परमप्रभु यावे ठेयब बाक्‍ब” दे सियोन ङा मुर आन कली शेंदमेक्‍ल। मिनु यरूसलेम ङा मुरपुकीम मेको कली ठेयब सेल्‍मेक्‍ल।

भजन संग्रह 106:1

परमप्रभु यावे कली ठेयब सेलीन। गेपुकीमी “गे रिम्‍शो पाइब बाक्‍नीनी” दे लोव़ पने। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १००:४-५; प्रस्‍थान १०७:१; प्रस्‍थान ११८:१; १इतिहास १६:३४

भजन संग्रह 107:15

मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।

भजन संग्रह 107:8

मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।

भजन संग्रह 111:1

परमप्रभु यावे कली ठेयब सेलीन। गो रिम्‍शो थुं पाइश्‍शो मुर आन दातेमी आं थुं नेल्‍लेमी “परमप्रभु, गे रिम्‍शो पाइब बाक्‍नीनी” दे ग्रुम्‍तीकेम देंनुङ।

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 134:1

नाक्‍दो परमप्रभु यावे आ खिंम बाक्‍शा, परमप्रभु यावे आ गेय पाइब नेल्‍लेमी परमप्रभु यावे कली ठेयब सेलीन।

भजन संग्रह 148:13

मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।

भजन संग्रह 150:6

सोक्‍त पाइश्‍शो नेल्‍लेमी परमप्रभु यावे कली ठेयब सेलीन। परमप्रभु यावे कली ठेयब सेलीन। भजन संग्रह ४१:१४; प्रकाश ५:१३

भजन संग्रह 7:17

गो परमप्रभु यावे आ ठीक पशो तशा, मेको कली “गे रिम्‍शो पाइब बाक्‍नीनी” दे कुम्‍सो पाइनुङ। गो परमप्रभु यावे, नेल्‍ल क्‍येङा ठेयब आ नें आ पर्बम कुम्‍सो पाइनुङ।