भजन संग्रह 132:2 - Sunuwar Bible

² मेकोमी परमप्रभु यावे आ नेंम कसम जशो बाक्‍त। मिनु याकूब आ नेल्‍ल क्‍येङा सक्ति पाइश्‍शो आ नेंम कसम जाप्‍तु।

भजन संग्रह 132:2 ပူးပေါင်းရင်းမြစ်များ

उत्पत्ती 49:24

तन्‍न आ लिब्रा बोल्‍यो बाक्‍ब, आ गुइ बोल्‍यो बाक्‍नीम। सक्ति पाइश्‍शो याकूब आ परमप्रभु, इस्राएल आ गोठला नु सेरथे फुल्‍लुम, मेको कली वारच पाप्‍तु। ब्‍यवस्‍था ३२:१८

२ सामुएल 7:1

मिनु पिप आंम खिंम बाक्‍म नोले, परमप्रभु यावेम मेको कली आ एर ओंथ ङा जोरी सत्रु नेल्‍ल आन रे नाइक्‍चा गेवा बाक्‍त।

२ सामुएल 7:2

मिनु पिपमी परमप्रभु यावे आ लोव़ पाइब नाथान कली “कोव़ङीन। गो लेबानोन ङा लाइश्‍शो रवा आ शी के सेल्‍शो खिंम बाक्‍शो बाक्‍नुङ। तन्‍न परमप्रभु आ सन्‍दोस चहिं ताम्‍बुम बाक्‍ब” देंमाक्‍त। भजन संग्रह १३२:३-५

१ इतिहास 28:2

मिनु पिप दाऊद बोक्‍शा मेको आन कली “आं लोक्‍ब नु आं मुर आं लोव़ नेनीन। गो परमप्रभु यावे आ कबल पशो सन्‍दोस कली नाइक्‍चा कली बाक्‍तीक का सेल्‍चा मिम्‍शो बाक्‍ती। परमप्रभु यावे, इं परमप्रभु आ खोइल थेक्‍तीक खोदेंशो दुम्‍चा माल्‍ब। गो मेको सेल्‍चा कली ठीक पाता। १इतिहास २२:६-१०; भजन संग्रह ९९:५; भजन संग्रह १३२:७

भजन संग्रह 119:106

गो इन निसाफ पतीक लोव़ पाइनुङ, दे कसम जशा खाप्‍ता।

भजन संग्रह 132:5

मारदे मोदेंशो पाइनुङ देंशा हना, गो याकूब आ नेल्‍ल क्‍येङा सक्ति पाइश्‍शो आ बाक्‍तीक मथिदु, सम्‍म मो पाइनुङ।

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 50:1

ठेयब सक्ति पाइश्‍शो, परमप्रभु, परमप्रभु यावेमी लोव़ पाप्‍तु। नां दाप्‍तीक रे नां पेरतीक सम्‍म ङा रागी कली लोव़ पाप्‍तु। १इतिहास २५:१

भजन संग्रह 56:12

परमप्रभु, गो गे नु कसम जशो, खाप्‍चा माल्‍नुङ। गो इन कली “गे रिम्‍शो पाइब बाक्‍नीनी” दे चढ़ेतीके चढ़ेनुङ।

भजन संग्रह 65:1

परमप्रभु, सियोनमी इन कली ठेयब सेल्‍तीक कुम्‍सो पाइनीमी। मिनु आंइ कसम जशो नेल्‍ल इन ङोंइती खाप्‍नीकी।

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 60:16

गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०