भजन संग्रह 132:17 - Sunuwar Bible

¹⁷ गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६

भजन संग्रह 132:17 ပူးပေါင်းရင်းမြစ်များ

१ राजा 11:36

थर का चहिं गो मेको आ तौ कली गेनुङ। मोपा आं योव़शा बाक्‍शो सहर यरूसलेमम आं गेय पाइब दाऊद आ मुर का लीमल। १राजा १५:४; २राजा ८:१९

१ राजा 15:4

मो हना यो परमप्रभु यावे, मेको आ परमप्रभुमी दाऊद आ पर्बम अबीयाम आ पा ङा पिप दुम्‍पाइक्‍चा कली तौ का गेवा बाक्‍त। मोपा यरूसलेम बोल्‍यो सेला बाक्‍‍त। १राजा ११:३६

२ राजा 8:19

मो हना यो परमप्रभु यावेमी आ गेय पाइब दाऊद आ पर्बम यहूदा कली मक्‍याम्‍दा बाक्‍त। मेकोमी दाऊद कली इ तौ चच का गेना हना यो पिप दुम्‍शा बाक्‍ब, दे कबल पशो बाक्‍माक्‍त। २सामुएल ७:११-१६; १राजा ११:३६

२ इतिहास 21:7

मो हना यो परमप्रभु यावेमी दाऊद नु पशो कबल आ पतीके दाऊद आ खिं ङा मुर आन कली साइक्‍चा मदाक्‍ता बाक्‍त। मारदे हना मेकोमी दाऊद नु आ तौ चच युइ आन कली “इ खिं रे गेना हना यो इस्राएली आन कली सासन पाइब का बाक्‍ब” देंशो बाक्‍माक्‍त। २सामुएल ७:१२; १राजा ११:३६; भजन संग्रह १३२:१७

भजन संग्रह 148:14

मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। ब्‍यवस्‍था ४:७-८

भजन संग्रह 89:25

गो मेको कली समुन्‍द्र नु ठेयब खोला नेल्‍ल कली हुकुम पाइब सेल्‍नुङ। भजन संग्रह ७२:८

भजन संग्रह 92:10

गे आं कली ब्‍वाकी ङा ब्‍यफ खोदेंशो पा सक्ति गेतीनी। आं कली नेल्‍ल क्‍येङा रिम्‍शो तेल लुक्‍ताक्‍यीनी। भजन संग्रह २३:५

इजीकीएल 29:21

मेको नाक्‍ती गो इस्राएल आ खिं ङा मुर रे ग्रोव़ का वापाइक्‍नुङ। मिनु गो इ कली मेको आन दातेमी ब्‍वाक्‍पाइक्नन। मेना मेकोपुकीम गोन परमप्रभु यावे नङ, दे तुइक्‍नीम” देंत।

लूका 1:69

मेकोमी आ गेय पाइब दाऊद आ खिं ङा मुर रे इं कली सक्ति पाइश्‍शो पाप रे प्रोंइब सोइक्‍ताक्‍व।

१ सामुएल 2:10

परमप्रभु यावे आ पर्बम जोरी सत्रु साइक्‍चा पुंइसीनीम। नेल्‍ल क्‍‍येङा ठेयबमी मेको आन पर्बम सरीङ रे बुंबु पपाइक्‍ब। मिनु परमप्रभु यावेमी रागी नेल्‍ल आन कली निसाफ पाइब। मेकोम आ पिप कली सक्ति गेब। मिनु आ तेल लुक्‍शो आ पिया पोक्‍ब” देंमाक्‍त।