भजन संग्रह 131:2 - Sunuwar Bible

² मिनु आं थुं ग्‍येत्‍थ लुक्‍च मपथु, नाइश्‍शा बाक्‍‍ब। आं थुं आ ममा नु बाक्‍शो आइक्‍च आल खोदेंशो दुम्‍ब। आं थुं सिक्‍सी पा बाक्‍ब आल खोदेंशो बाक्‍ब। भजन संग्रह ६२:२

भजन संग्रह 131:2 ပူးပေါင်းရင်းမြစ်များ

भजन संग्रह 42:11

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 42:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 43:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुम मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 62:1

आं थुंम सिक्‍सी पा परमप्रभु कली रिम्‍ब। मेकोमी आं कली प्रोंइब। यसैया ३०:१५

यसैया 30:15

मिनु परमप्रभु, इस्राएली आन का ला बाक्‍शो परमप्रभु यावेमी “आं गे लेश्‍शा, सिक्‍सी पा बाक्‍नी हना, ब्रोंइनी वा। सिक्‍सी पा बाक्‍तीनी नु थमा सुइक्‍तीनी हना, गे बोल्‍यो दुम्‍नी वा। तन्‍न गे मटिनी। यसैया ७:४; प्रस्‍थान १४:१४

बिलाप 3:26

सिक्‍सी पा परमप्रभु यावे आ श्‍येत रे प्रोंइतीके रिम्‍चा रिम्‍शो दुम्‍ब। रोमी ८:२५

मर्कूस 10:15

नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यमी ओव़चा मताइनीम” दे माइक्‍मी बाक्‍त।

लूका 21:19

मोपतीके थमा सुइक्‍चा मप्रोनीन। मिनु ला गे ब्रोंइचा ताइनीनी। हिब्रू १०:३६

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

१ सामुएल 24:10

मुलाक्‍त गेन तुइक्‍ताक्‍नी। मुलाक्‍त पुक्‍खी आगाम परमप्रभु यावेमी इन कली आं गुइम गेशो बाक्‍त। का निक्‍शीम ‘इन कली साइक्‍चा’ थुं पाम्‍तेक्‍म। तन्‍न गो इन कली प्रोंइशा सोइक्‍ताक्‍ङ। मिनु गो ‘आं प्रभु, इन कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब’ देंती।

१ सामुएल 30:6

दाऊद कली हिंचा ङा दुम्‍शो बाक्‍त। मारदे हना मुरपुकीम मेको आन तमी तौ नेल्‍ल योल्‍ने थुम्‍तीके, दाऊद कली फुल्‍लु आप्‍शा साइक्‍नीकी देंशो बाक्‍मा बाक्‍त। तन्‍न दाऊदमी परमप्रभु यावे, आ परमप्रभु कली सक्ति पुना बाक्‍त।