भजन संग्रह 130:5 - Sunuwar Bible

⁵ गो परमप्रभु यावे कली रिम्‍नुङ। आं थुं नेल्‍लेमी यो रिम्‍नुङ। मिनु गो इन लोव़ आस पाइनुङ। यसैया २१:११; लूका १२:३५-३६

भजन संग्रह 130:5 ပူးပေါင်းရင်းမြစ်များ

उत्पत्ती 49:18

परमप्रभु यावे, गे आं मरिम्‍शो पशो रे प्रोंइनीनी, दे रिम्‍शा बाक्‍ती। भजन संग्रह ११९:१६६; हबकुक २:३

भजन संग्रह 119:114

गे आं ख्रुइक्‍तीक नु तेक्‍तीक बाक्‍नीनी। गो इन लोव़ ङा लां कोव़ना कोव़न बाक्‍नुङ।

भजन संग्रह 119:42

मिनु गो आं कली शुक्‍शी पाइब आन कली लोव़ लेन्‍ने चाप्‍नुङ। मारदे हना गो इन लोव़ थमा सुइक्‍नुङ।

भजन संग्रह 119:49

इन गेय पाइब कली पशो लोव़ मिम्‍तीन। आं कली मेको आ लां कोव़पाइय्‍यीनी।

भजन संग्रह 119:74

इन कली मान पा हिंबपुकी आं कली तशा ग्‍येरसीनीम। मारदे हना गो इन लोव़ ङा लां कोव़ना कोव़न बाक्‍नुङ।

भजन संग्रह 119:81

गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।

भजन संग्रह 27:14

गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।

भजन संग्रह 33:20

गोपुकी परमप्रभु यावे आ लां कोव़शो बाक्‍नीक। मेको आंइ कली वारच पाइब नु तेक्‍तीके बाक्‍ब।

भजन संग्रह 40:1

गो परमप्रभु यावे कली रिम्‍स ङा रिम्‍स बाक्‍ती। मेकोमी आं गे कोव़शा, आं वाइ ब्रेश्‍शा, पुंइशो लोव़ नेंतु।

भजन संग्रह 62:1

आं थुंम सिक्‍सी पा परमप्रभु कली रिम्‍ब। मेकोमी आं कली प्रोंइब। यसैया ३०:१५

भजन संग्रह 62:5

आं थुंम सिक्‍सी पा परमप्रभु कली ला रिम्‍ब। मारदे हना गो मेको कली आस पाइनुङ।

यसैया 26:8

परमप्रभु यावे, गो इन निसाफ पतीके कली रिम्‍नीकी। आंइ थुं नेल्‍लेमी इन नें नु इन कली मिम्‍शा बाक्‍नीकी।

यसैया 30:18

मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।

यसैया 8:17

मिनु गो याकूब आ खिं ङा मुर आन क्‍येङा आ कुल ख्रुइक्‍ब परमप्रभु यावे आ लां कोव़शा, रिम्‍शा बाक्‍नुङ।

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

लूका 2:38

मिनु मरीयम नु योसेफमी आल मेकेर लदसेनु, मेको खाल्‍पी ग्रुम्‍से बाक्‍त। मिनु खाल्‍पीमी आल कली तशा, परमप्रभु यावे कली ठेयब सेला बाक्‍त। मिनु “परमप्रभु यावेमी पाप रे प्रोंइब सोइक्‍ब” दे आस पा बाक्‍ब यरूसलेम ङा मुर आन कली मेको आल आ पर्बम लोव़ पा नेंपाइक्‍मी बाक्‍त।

हिब्रू 6:18

मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।