भजन संग्रह 130:4 - Sunuwar Bible

⁴ गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

भजन संग्रह 130:4 ပူးပေါင်းရင်းမြစ်များ

२ सामुएल 12:13

मिनु दाऊदमी नाथान कली “गो परमप्रभु यावे आ ङोंइती पाप पाता” देंमाक्‍त। मिनु नाथानम मेको कली “परमप्रभु यावेमी इ पाप क्‍याम्‍ताक्‍व। गे मबेक्‍नेवे। २सामुएल २४:१०; भजन संग्रह ५१:३; इजीकीएल १८:२१-२३

अय्‍युब 22:23

गे नेल्‍ल क्‍येङा ठेयब सक्ति पाइश्‍शो गे ले‍तीन। मिनु ङोंइती ङा खोदेंशो दुम्‍नीनी। गे इन ठीक मपतीके इन क्‍येङा ङोन वोतीन। अय्‍युब ८:५-७; अय्‍युब ११:१४-१५

भजन संग्रह 25:11

परमप्रभु यावे, आं पाप ठेयब बाक्‍त हना यो, इन नें आ पर्बम आं ठीक मपशो माफ गेयीनी। प्रस्‍थान ३४:६-७

भजन संग्रह 86:5

परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

दानीएल 9:9

गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

२ कोरिन्‍थी 5:19

परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। रोमी ३:२४-२५; कलस्‍सी १:१९-२०

एफिसी 1:7

मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६

कलस्‍सी 1:14

मेकोमी इं कली मरिम्‍शो रे प्रोंइशा, इं पाप क्‍याम्‍ताक्‍व। एफिसी १:७

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७