भजन संग्रह 13:4 - Sunuwar Bible

⁴ मोदेंशो दुम्‍मेनु, आं जोरी सत्रुम “गो मेको कली ग्रानीकी” दे आं कली हिम्‍सीशो तशा, ग्‍येरसीनीम।

भजन संग्रह 13:4 ပူးပေါင်းရင်းမြစ်များ

एज्रा 9:8

तन्‍न मुल परमप्रभु यावे, आंइ परमप्रभुमी आंइ कली का निक्‍शी लीशो मुर गेतीनी। आंइ वाइल दुम्‍तीक रे इच्‍का नाक्‍त कली नाइक्‍चा गेतीके आंइ परमप्रभु आ बाक्‍तीकेमी बाक्‍चा ताइतक। याम का कली आंइ कली शिशी पा ग्‍येरपाइक्‍तीनी।

भजन संग्रह 10:11

मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। भजन संग्रह ७३:११; भजन संग्रह ९४:७; यसैया २९:१५

भजन संग्रह 112:6

ठीक पाइबपुकी गेनायो मप्रेंसीनीम। मेको आन कली मिम्‍तीके गेना हना यो लीब।

भजन संग्रह 25:2

आं परमप्रभु, गो इन कली मिम्‍शा, महिंथु बाक्‍शो बाक्‍नुङ। गो मुने मदोक्‍ङल। आं जोरी सत्रु आं क्‍येङा मग्रामल।

भजन संग्रह 35:19

मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। भजन संग्रह २५:१९; भजन संग्रह ६९:५

भजन संग्रह 35:25

मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल।

भजन संग्रह 38:16

मिनु गो “मेकोपुकीमी आं पर्बम शुक्‍शी पा ग्‍येरचा मतामेक्‍ल। आं कली ग्रेक्‍शो तशा, बोरचा मतामेक्‍ल” देंती।

भजन संग्रह 55:22

इन थुं ङा श्‍येत नु मार पचा दो पचा देंतीके परमप्रभु यावे आ ङोंइती वोतीन। मिनु मेकोमी इन कली कुक्‍ब। मेकोमी ठीक पाइब आन कली गेनायो हिम्‍सीचा मगेब। १पत्रुस ५:७

भजन संग्रह 62:2

मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो गेनायो महिम्‍‍सीनुङ। भजन संग्रह १८:३

भजन संग्रह 62:6

मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो महिम्‍‍सीनुङ।

भजन संग्रह 9:19

परमप्रभु यावे, बोक्‍कीन। मुरपुकी मग्रामल। रागी रागी ङा मुर इन ङोंइती जाक्‍शा, निसाफ पचा पुंइसमल। गन्‍ती १०:३५

हितोपदेस 12:3

परमप्रभु यावे आ अरेशो मटीब रिम्‍शो मबाक्‍नीम। तन्‍न ठीक पाइब बोल्‍यो शाक्‍श पाइश्‍शो रवा खोदेंशो बाक्‍‍नीम।

येरमीया 1:19

मेकोपुकीमी इ कली लडाइ तोइनीम। तन्‍न इ क्‍येङा ग्राने मचाप्‍नीम। मारदे हना इ कली प्रोंइचा कली गो गे नु बाक्‍नुङ” दे परमप्रभु यावेमी देंत।

बिलाप 1:16

गो मार कली ङाक्‍नुङा, मार कली आं प्रेक्‍क यीनीम देंशा हना, आं कली लेम्‍ब नु आं थुं बारपाइक्‍ब आ क्‍येङा ङोन बाक्‍नीम। आं आल लने थुम्‍तेक्‍म। मारदे हना आं जोरी सत्रु आं क्‍येङा बोल्‍यो बाक्‍तेक्‍म।

यहोसु 7:9

मारदे हना कनानीपुकी नु एको रागी ङा मुर नेल्‍लेमी एको लोव़ नेंशा, आंइ कली पुम्‍नीम। मिनु आंइ नें रागी रे पा क्‍याम्‍नीम। मिनु गे इन ठेयब नें आ पर्बम मार पाइनीनी?” दे परमप्रभु यावे कली लोव़ पाप्‍तु। प्रस्‍थान ३२:१२