भजन संग्रह 13:3 - Sunuwar Bible

³ परमप्रभु यावे, आं परमप्रभु, आं कली मिम्‍शा, आं लोव़ लेत्‍तीनी। आ बोल लेंशा गेयीनी। मो मपाइतीनी हना, गो बेक्‍नुङ।

भजन संग्रह 13:3 ပူးပေါင်းရင်းမြစ်များ

एज्रा 9:8

तन्‍न मुल परमप्रभु यावे, आंइ परमप्रभुमी आंइ कली का निक्‍शी लीशो मुर गेतीनी। आंइ वाइल दुम्‍तीक रे इच्‍का नाक्‍त कली नाइक्‍चा गेतीके आंइ परमप्रभु आ बाक्‍तीकेमी बाक्‍चा ताइतक। याम का कली आंइ कली शिशी पा ग्‍येरपाइक्‍तीनी।

भजन संग्रह 119:153

आं श्‍येत जशो कोव़ङीन, गो श्‍येत जाइनुङ। मिनु आं कली प्रोंइयीनी। मारदे हना गो इन अरेशो लोव़ मप्रेंदु।

भजन संग्रह 18:28

गे आं बत्ती ब्रपाइक्‍नीनी। परमप्रभु यावे, आं परमप्रभु, गे आं छिङछिङ कली छेङछेङ सेल्‍नीनी।

भजन संग्रह 25:19

आं जोरी सत्रु आन कली कोव़ङीन, मारदे हना मेको शुश बाक्‍नीम। मिनु मेकोपुकीमी आं कली काइ मदाक्‍नीम। भजन संग्रह ३५:१९

भजन संग्रह 31:7

इन गेना हना यो दाक्‍तीक तशा, ग्‍येरना ग्‍येरन बाक्‍ती। मारदे हना गे आं श्‍येत तशा, आं थुं लुक्‍च लशो तुइश्‍शो बाक्‍नीनी।

भजन संग्रह 5:1

परमप्रभु यावे, आं देंशो लोव़ नेनीने। आं हुकयी पशो नेनीन।

भजन संग्रह 9:13

परमप्रभु यावे, आं कली शिशी पने, आं कली मदाक्‍बपुकीमी गेशो श्‍येत कोव़ङीन। गे आं कली बेक्‍चा चिक्‍शो रे प्रोंइतीनी।

येरमीया 51:39

नोले मेकोपुकी बोक्‍शा, मार मार माल्‍मेनु, गो मेको आन कली तूतीक ख्रेत्‍नुङ। मिनु गो मेको आन कली रिश्‍शा ग्‍यारशा मपामे सम्‍म दुक्‍पाइक्‍नुङमी। मिनु गेना हना यो कली इप्‍नीम। मिनु गेनायो मसेंसीनीम” दे परमप्रभु यावेमी देंत।

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

बिलाप 5:1

मिनु “परमप्रभु यावे, गो आंइ कली मार दुम्‍शो बाक्‍बा, मेको मिम्‍तीन। आंइ कली मरिम्‍शो पशो कोव़ङीन।

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

एफिसी 5:14

मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०

१ सामुएल 14:27

तन्‍न आ आफोम मुर आन कली कसम जपाइश्‍शो नु मजचा देंशो योनाथनमी मनेंशो बाक्‍माक्‍‍त। मेकोमी आ गुइमी बाक्‍शो कोक्‍के दिंशा, मेको आ ङरीमी थोक्‍शा तुक्‍गा बाक्‍त। मिनु आ सक्ति बारमाक्‍त।

१ सामुएल 14:29

मिनु योनाथनमी “आं आफोमी मुर आन कली श्‍येत गेतीक गेय ङा लाक्‍शा अरु मपशो बाक्‍ब। कोव़ङीन गो एको खुदो थाम्‍शा दोशो सक्ति पाइश्‍शो दुम्‍ङा।