भजन संग्रह 13:2 - Sunuwar Bible

² गो गेना सम्‍म सुर्ता पा, नाक्‍त किंत किंत आं थुं खाइश्‍शा बाक्‍चा माल्‍नुङा? आं जोरी सत्रु गेना सम्‍म आं क्‍येङा बोल्‍यो बाक्‍नीमी?

भजन संग्रह 13:2 ပူးပေါင်းရင်းမြစ်များ

नेहेम्‍याह 2:2

मिनु पिपमी “मारदे इ कुल राव किक्‍पदी? गे रोइ पशो मबाक्‍नेवे, इ थुं दोक्‍शो तांइसीब” देंत। मो देंमेनु, गो शुश हिंती।

एस्‍तर 7:6

मिनु एस्‍तरमी “मेको श्‍येत गेब, मरिम्‍शो मुर एको हामान बाक्‍ब” देंत। मिनु हामान पिप नु पिपीम आ ङोंइती हिंशा, सेंदा का यो ग्रुंइने मचब।

अय्‍युब 10:15

गो थमान इन अरेशो मटीब बाक्‍‍ती हना, आं कली हिंचा ङा दुम्‍ल। गो ठीक पाइब बाक्‍‍ती हना यो, आं पिया पोक्‍ने मचाप्‍नुङ। मारदे हना गो आं मुनेम ब्रीशा, आं श्‍येत तना तन बाक्‍नुङ।

भजन संग्रह 10:18

गे रोम रोइक्‍च नु दिप्‍चा पुंइसीशो मुर आन पर्बम ठीक निसाफ पाइनीनी। मो दुम्‍मेनु, मुरपुकीमी अरु आन कली लेंशा श्‍येत मगेनीम।

भजन संग्रह 116:3

गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।

भजन संग्रह 17:9

मोपा इन अरेशो मटीब, आं कली साइक्‍चा कली पुम्‍बपुकीमी आं कली मथित्‍नीम।

भजन संग्रह 31:18

ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।

भजन संग्रह 38:17

मारदे हना गो दाइल पांइसीचा चिक्‍शो बाक्‍नुङ। गो श्‍येत जस ङा जस बाक्‍नुङ।

भजन संग्रह 42:4

मिनु गो मेको नेल्‍ल मिम्‍शा, परमप्रभु, इन खिं लाइब शुश मुर आन कली लां कोंइशा, मेकोपुकी नु लना लन बाक्‍ङानु, ग्‍‍येरसीशा “गे रिम्‍शो पाइब बाक्‍नीनी” दे गो नेल्‍लेमी कुम्‍सो पा चाड मानेतक। भजन संग्रह २७:४

भजन संग्रह 6:4

परमप्रभु यावे, गे आं गे लेतीने। इन गेना हना यो दाक्‍तीकेमी आं थुं बेक्‍चा रे प्रोंइ‍यीनी।

भजन संग्रह 7:2

गे आं कली मप्रोंइतीनी हना, मेकोपुकीमी आं कली गुप्‍सम खोदेंशो पा दिप्‍शा ब्‍वाइनीम। मिनु सुइमी आं कली मेको आन गुइ रे प्रोंइने मचाप्‍नीम।

भजन संग्रह 74:10

परमप्रभु, इन जोरी सत्रुमी इन कली गेना सम्‍म शाक्‍नीमी? मार, जोरी सत्रुमी इन नें आ पर्बम गेना हना यो शुक्‍शी पस ङा पस बाक्‍नीमी?

भजन संग्रह 74:18

परमप्रभु यावे इन जोरी सत्रुमी इन कली दोपा शाक्‍ग्‍मे। मिनु इन कली मटीबपुकीमी दोपा इन नें आ पर्बम शुक्‍‍शी पामे? मेको मिम्‍तीन।

भजन संग्रह 8:2

आइक्‍च आल नु बुकलु आलपुकीमी इन कली ठेयब सेल्‍पांइसाक्‍नी। मोपा गे इन जोरी सत्रु नु क्‍येक्‍क लेप्‍ब आन कली ब्‍वालेइ पपाइक्‍तीनी। मत्ती २१:१६

भजन संग्रह 9:6

परमप्रभु, आं जोरी सत्रु आन खिं गेनायो मसेल्‍चा ङा पा प्रेत्‍तीनी। गे मेको आन सहर हु हा प्रेत्‍तीनी। मिनु मेको आन नें यो काइ मलीथु, जाम्‍शा लत। भजन संग्रह ३४:१७

हितोपदेस 15:13

ग्‍येरशो थुं पाइश्‍शो मुर आ कुल हाक्‍सीशो तांइसीब। तन्‍न सुर्ता पाइब आन थुं लुक्‍च लाइब।

उपदेसक 5:17

मुरुमी आन ब्रोंइतीक नाक्‍त सम्‍म श्‍येत पा जशा तूशा, हिंशा, रोइ पा, सुर्ता पाइनीम।

येरमीया 15:18

आं श्‍येत जतीक मारदे मनुम्‍मे? मिनु आं गार मारदे मसाब दुम्‍मे? गे आं कली मरिम्‍शो नु ब्‍वाक्‍कु मबाक्‍शो खोला खोदेंशो दुम्‍तीनी” देंती।

येरमीया 45:3

गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।

येरमीया 8:18

मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९

बिलाप 1:5

मेको आ जोरी सत्रु आ होव़प दुम्‍तेक्‍म। मेको आन माल्‍शो शुश ताइनीम। मारदे हना परमप्रभु यावेमी मेको आ शुश हेंथे पशो तशा, यरूसलेम कली श्‍येत गेप्‍तु। मेको आ आल ग्‍याइश्‍शा लाइक्‍चा पुंइसीशा, आन जोरी सत्रु आन ङोंइती लाम्‍तेक्‍म।

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 5:20

गे मारदे आंइ कली प्रेंदी‍नी? गे मारदे आंइ कली इश ङा नाक्‍त सम्‍म प्रोंइनी?

मत्ती 26:38

मिनु सां आन कली “आं थुं शुश खाइश्‍शा, बेक्‍चा ङा दुम्‍ती। मुल एकेर मइप्‍थु गो नु काथा बाक्‍कीन” देंमाक्‍त। यूहन्‍ना १२:२७

लूका 22:53

नाक्‍त किंत किंत परमप्रभु यावे आ खिंमी गेपुकी नु काथा बाक्‍ङानु, मग्‍याइक्‍तीनी। मुल चहिं छिङछिङ ङा सक्ति नु इन पालो जाक्‍त” दे माइक्‍मी बाक्‍त। यूहन्‍ना ७:३०; यूहन्‍ना ८:२०

यूहन्‍ना 16:6

तन्‍न आं देंशो नेंशा, इन थुं खाइक्‍ब।

रोमी 9:2

गो इं यहूदी लोक्‍ब आन कली तशा, आं थुं शुश खाइक्‍ती। मेको आन कली दो पङ, मार पङ देंशा आं थुं खुरसाक्‍यी।

फिलिप्‍पी 2:27

इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।

१ सामुएल 18:29

मिनु सावल दाऊद क्‍येङा शुश हिंचा गोवा बाक्‍त। मिनु आ लीशो ब्रोंइतीक नाक्‍त सम्‍मन मेको दाऊद आ जोरी सत्रु दुम्‍माक्‍त। १सामुएल १८:१२

१ सामुएल 24:19

सुइमी आंम जोरी सत्रु आन कली थिश्‍शा, रिम्‍शो पा लचा मगेब। मोपतीके मुलाक्‍त इ पशो गेय आ पर्बम परमप्रभु यावेम इ कली इनाम गेवल।