भजन संग्रह 128:2 - Sunuwar Bible

² गे इ पशो गेय रे जाइनेवे। गे ग्‍येरसीशा मारेइ मारेइमी दारनेवे।

भजन संग्रह 128:2 ပူးပေါင်းရင်းမြစ်များ

उत्पत्ती 3:19

इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 109:11

मेको कली जेर गेबमी मेको आ मारेइ मारेइ नेक्‍गल। अरु मुरुमी मेको आ चेम्‍शो नेल्‍ल रोइक्‍तमेक्‍ल।

उपदेसक 8:12

मरिम्‍शो पाइब मुर सहे का खेयप मरिम्‍शो पशा यो शुश नाक्‍त सम्‍म ब्रोंइशा बाक्‍नीम। मो हना यो परमप्रभु कली मान पा हिंब नु आ ङोंइती बाक्‍ब आन कली रिम्‍शो दुम्‍ब, दे गो तुइक्‍नुङ। भजन संग्रह ३७:१८; भजन संग्रह ७३:१७-२६

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

यसैया 62:8

परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२

यसैया 65:13

मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१

येरमीया 22:15

मार, गे पिप नवे? मारदे हना गे गारो नेल्‍ल बोल्‍यो शीम क्‍येप्‍नेवे? इ आफ नु जचा तूचा थोव़क बाक्‍त। मेकोमी ठीक निसाफ नु ठीक गेय पाप्‍तु। मिनु मेको कली रिम्‍शोन दुम्‍त।

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

एफिसी 6:3

मेको आसीक मार बाक्‍ब देंशा हना “गे मो पाइतीनी हना, इन कली रिम्‍शो दुम्‍ब। मिनु गे शुश बर्स ब्रोंइचा ताइनीनी” दे ब्रेक्‍शो बाक्‍ब। ब्‍‍यवस्‍था ५:१६

ब्‍यवस्‍था 28:11

मिनु परमप्रभु यावेमी इन किकी पिपी आन कली गेनुङमी देंशो रागीमी गेपुकी शुश आल थीब दुम्‍नीनी। इन बी ब्‍यफ, क्‍यारश भेडा आन चाइक्‍ब शुश दुम्‍नीम, इन बाली नाली नेल्‍ल सोशा बोशा लाइनीनी। इन रागी रिम्‍शो दुम्‍ब।

ब्‍यवस्‍था 28:39

गेपुकीमी अङगुर रू ख्रुम्‍नीनी, तन्‍न बुस्‍स जोल्‍शा अङगुर खुप्‍चा नु अङगुर शांबु तूचा मताइनीनी।

ब्‍यवस्‍था 28:4

इन आलपुकी, इन बाली नाली, इन बी ब्‍यफ नु इन क्‍यारश भेडा नु गोठ नेल्‍ल आसीक रशा सोशा बोशा लाइनीमी।

ब्‍यवस्‍था 28:51

मिनु गेपुकी खतम मदुम्‍नी सम्‍म मेकोपुकीमी इन थुल्‍शो बी ब्‍यफ, क्‍यारश भेडा नु बाली नाली जाइनीम। मिनु मेकोपुकीमी इन अन्‍न, अङगुर शांबु, तेल, बी ब्‍यफ आन चाइक्‍ब, क्‍यारश भेडा आन पाठा का यो मगेनीम।

ब्‍यवस्‍था 28:8

मिनु परमप्रभु यावेमी इन भकारीमी आसीक गेब। मिनु गे मार मार पाइनीनी रिम्‍शो दुम्‍चा कली आसीक गेब। मिनु परमप्रभु यावे, इन परमप्रभुमी इन कली गेशो रागीमी इन कली आसीक गेब। लेवी २५:२१