भजन संग्रह 121:7 - Sunuwar Bible

⁷ परमप्रभु यावेमी इ कली श्‍येत नेल्‍ल रे प्रोंइब। मेकोमी इ कली ब्रोंइचा गेब। गन्‍ती ६:२४-२६

भजन संग्रह 121:7 ပူးပေါင်းရင်းမြစ်များ

उत्पत्ती 28:15

गो गे नु बाक्‍शा, ते लाइनेवे, गो इ कली कोव़नन। गो इ कली एको रागी लेप्‍पाइक्‍नन। मारदे हना गो इ कली मप्रोंइनन। इ कली मार मार देंङा, गो मेको नेल्‍ल पाइनुङ” देंमाक्‍त।

१ इतिहास 4:10

मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्‍शा गेयीनी। गे गो नु बाक्‍कीन। आं कली श्‍येत रे ङोन वोइय्‍यीनी” दे पुना बाक्‍त। मिनु परमप्रभुमी मेको आ पुंइशो गेवा बाक्‍त।

भजन संग्रह 145:20

परमप्रभु यावेम आ कली दाक्‍ब नेल्‍ल आन कली कोव़ब। तन्‍न मेकोमी आ अरेशो मटीब नेल्‍ल आन कली खतम पोक्‍ब।

भजन संग्रह 34:22

परमप्रभु यावेमी आ गेय पाइब आन कली श्‍येत रे प्रोंइब। मेको कली जिम्‍मा गेंसीबपुकी दोस मतथु, काइ सजाइ मताइनीम।

भजन संग्रह 41:2

परमप्रभु यावेमी मेको आन कली कोव़शा, खाल पा प्रोंइब। मेको रागीम बाक्‍मानु, ग्‍येरसमल। गे मेको आन कली आन जोरी सत्रु आन गुइम मगेनीनी।

भजन संग्रह 97:10

परमप्रभु यावेमी मरिम्‍शो पतीक कली काइ मदाक्‍ब मुर आन कली दाक्‍ब। आ कली थमा सुइक्‍ब आन कली कोव़ब। मेको आन कली आ अरेशो मटीब आन गुइ रे प्रोंइब।

हितोपदेस 12:21

ठीक पाइब मुर आन कली श्‍येत मदुम्‍ब। तन्‍न परमप्रभु यावे आ अरेशो मटीब आन कली श्‍येतम गिल्‍शो बाक्‍नीम।

गन्‍ती 6:24

परमप्रभु यावेमी इन कली आसीक गेवल। इन कली गेना हना यो कोव़ङल। उत्‍पत्ती २४:१,३५; भजन संग्रह १२१:-

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

रोमी 8:28

गो परमप्रभु यावे आ योव़शो, मेको कली दाक्‍बपुकीमी दोदेंशो श्‍येत जाम्‍तेक्‍म हना यो, दोदेंशो ग्‍येरसाक्‍म हना यो, मार दुम्‍त हना यो, इं कली रिम्‍शो दुम्‍ब, दे तुइश्‍शो बाक्‍नय। एफिसी १:११

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।