भजन संग्रह 12:2 - Sunuwar Bible

² नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।

भजन संग्रह 12:2 ပူးပေါင်းရင်းမြစ်များ

१ इतिहास 12:33

जबूलून आ थर ङा ५० हजार लडाइ पस जोक्‍ब मारेइ मारेइ या कुरब बाक्‍मा बाक्‍त। मेको आन थुं नेल्‍लेमी दाऊद कली वारच पाइब बाक्‍मा बाक्‍त।

भजन संग्रह 10:7

मेको मुरपुकीमी सराप नु जोल पना पन बाक्‍शा, अरु आन कली दिप्‍शो बाक्‍नीम। मेको आन लोव़मी श्‍येत नु मरिम्‍शो ला दुम्‍पाइक्‍नीम। रोमी ३:१४

भजन संग्रह 116:11

गो सुर्ता पा श्‍येत जङानु “मुर नेल्‍ले जोल पाइब ला बाक्‍नीम” देंती। रोमी ३:४

भजन संग्रह 144:11

आं कली मुर साइक्‍ब तरवार रे प्रोंइयीनी। अर्को रागी ङा मुर आन गुइ रे प्रोंइयीनी। मेकोपुकीमी जोल नु मरिम्‍शो ला पाइनीम।

भजन संग्रह 144:8

मेकोपुकीमी जोल नु मरिम्‍शो ला पाइनीम।

भजन संग्रह 28:3

आं कली इन अरेशो मटीब नु मरिम्‍शो पाइब मुर नु मक्‍याम्‍दीन। मेको आन नेक्‍था ङा मुर नु गारशो लोव़ पाइनीम। तन्‍न आन थुं मरिम्‍शो पतीकेमी ब्रीशो बाक्‍नीम। २सामुएल २०:९-१०

भजन संग्रह 38:12

आं कली साइक्‍चा माल्‍बपुकीमी ब्‍वारद दाइश्‍शा, वोइश्‍शो बाक्‍नीम। आं कली श्‍येत दुम्‍शो कोव़कोव़ दाक्‍बपुकीमी “मेको कली दोपा श्‍येत गेचा, दोपा मेको आ पर्बम जोल पचा” दे नाक्‍त रे लोव़ पाइनीम।

भजन संग्रह 41:6

मिनु आं कली सु सुम कोव़थ जाक्‍नीमी, मेकोमी आं कली रिम्‍शो लोव़ पखु पाइनीम। मिनु नोले आं पर्बम “मार, मरिम्‍शो लोव़ पङ” दे मिम्‍शा, मरिम्‍शो लोव़ ब्रपाइक्‍नीम।

भजन संग्रह 5:9

आं जोरी सत्रुमी जोल ला पाइनीम। आन थुंमी “दोपा खतम सेल्‍नुङा” दे ला मिम्‍नीम। आन लकचा मुर थिम्‍तीके खोदेंशो बाक्‍ब। मेकोपुकी मिलो शिलो पाइब बाक्‍नीम। रोमी ३:१३

भजन संग्रह 55:21

मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। येरमीया ९:७

भजन संग्रह 59:12

मेको आन पशो लोव़मी, आन ठेयब लेश्‍शो कोंइनीमी। गे गाइश्‍शा मेको आन सराप पतीके नु जोल पतीके खतम पोक्‍कीन।

भजन संग्रह 62:4

मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। ठेयब सेंदा पा।

हितोपदेस 20:19

लोव़ क्‍याल्‍ब मुरुमी ख्रुइश्‍शा पशो लोव़ यो फ्राइब। मोपतीके शुश लोव़ पाइब मुर नु वारच मदुमो।

हितोपदेस 20:6

शुश मुरुमी “गो रिम्‍शो मुर नङ” दे अरु आन कली तुइक्‍पाइक्‍नीम। तन्‍न थमा सुइक्‍चा ङा मुर सु थिन्‍ने चाम्‍सीबा ङा?

हितोपदेस 29:5

सुमी आ नेक्‍था ङा मुर कली क्‍युक्‍शा लोव़ पाइबा, मेकोमी मेको कली ग्‍याइल दाइश्‍शो बाक्‍ब।

येरमीया 7:28

गे मेको आन कली ‘एको परमप्रभु यावे, आन परमप्रभु आ लोव़ मटीब रागी ङा मुर बाक्‍नीम। सजाइ ताम्‍तेक्‍म हना यो, मरुबेम। मिनु मेको आ पचा माल्‍ब देंशो मपामे। थमा लोव़ जाम्‍त। मेकोपुकीम जोल ला पाइनीम। येरमीया ५:१

येरमीया 9:8

मेको आन लें बीस पाइश्‍शो ब्रा खोदेंशो बाक्‍ब। मेकोपुकीम जोल लोव़ ला पाइनीम। मुर नेल्‍लेम आन नेक्‍था ङा मुर नु रिम्‍शो लोव़ पखु पाइनीम। तन्‍न आन थुंमी दोपा मेको कली ब्‍वारद दाइक्‍चा, दे मिम्‍नीम। बजन संग्रह १२:३

इजीकीएल 12:24

मारदे हना मुल लेंशा गेनायो इस्राएली आन दातेम जोल पा कोंइतीके नु लेम्‍शा लिंक्‍यु कोव़ब मदुम्‍नीम।

मीका 7:2

थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

१ थिस्‍सलोनिकी 2:5

गो इन कली मिलो शिलो मपक, दे तुइक्‍नीनी। इन क्‍येट ताइनीकी कों, दे मिम्‍शा मशेंदक, मेको परमप्रभु यावेमी तुइक्‍ब। मत्ती १२:४०; प्रेरित २०:३३

याकूब 1:8

थुं निक्‍शी पाइश्‍शो मुर आ थुं कामी परमप्रभु यावे आ लां खोइक्‍ब, थुं कामी मुर आन लां खोइक्‍ब।