भजन संग्रह 119:144 - Sunuwar Bible

¹⁴⁴ इन देंशो गेना हना यो ठीक बाक्‍नीम। आं कली रुप्‍तीक थुं गेतीनी हना, गो ब्रोंइनुङ।

भजन संग्रह 119:144 ပူးပေါင်းရင်းမြစ်များ

भजन संग्रह 119:138

गे इन देंशो लोव़ ठीक निसाफ पतीकेमी वोइक्‍तीनी। गो मेको कली थमा सुइक्‍नीकी।

भजन संग्रह 119:151

तन्‍न परमप्रभु यावे, गे आं नेक्‍था बाक्‍नीनी। इन शेंशो लोव़ नेल्‍ल थमा बाक्‍ब।

भजन संग्रह 119:152

गो ङोंइती रे इन देंशो लोव़ पढेशा, मेको गेना हना यो कली सेल्‍शो बाक्‍ब, दे तुइक्‍ताक्‍ङ।

भजन संग्रह 119:169

परमप्रभु यावे, आं पुंइशो लोव़ नेनीन। इन लोव़म देंशो खोदेंशो पा आं कली रुप्‍ब थुं गेयीनी।

भजन संग्रह 119:17

इन गेय पाइब कली रिम्‍शो पने। मिनु गो इन लोव़ टिशा ब्रोंइङल।

भजन संग्रह 119:34

गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।

भजन संग्रह 119:66

आं कली रुप्‍ब नु तुइक्‍ब सेलीन। मारदे हना गो इन शेंतीके थमा सुइक्‍नुङ।

भजन संग्रह 119:73

गे आं कली सेल्‍तीनी। मिनु इन शेंशो लोव़ शेंसीचा कली रुप्‍तीक थुं गेयीनी।

भजन संग्रह 19:9

परमप्रभु यावे कली मान पा हिंचा रिम्‍शो दुम्‍शा, गेना हना यो लीब। परमप्रभु यावे आ निसाफ पतीक लोव़ थमा नु गेना हना यो ठीक बाक्‍नीम।

हितोपदेस 10:21

ठीक पाइब मुर आन लोव़मी शुश मुर आन कली रिम्‍शो दुम्‍ब। तन्‍न मूर्ख आन निप्‍स मपाइक्‍तीके बेक्‍शा लाइनीम।

हितोपदेस 4:4

मिनु आं आफोमी आं कली “आं लोव़ इ थुंमी वोतो। मिनु आं शेंशो टिशा ब्रोनो। लेवी १८:५

हितोपदेस 7:2

गे आं अरेशो मप्रेंताक्‍वी हना, गे ब्रोंइनेवे। आं शेंशो इ मिक्‍च खोदेंशो पा होस पा वोतो।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

दानीएल 12:10

मिनु शुश मुर नाक्‍चा, रिम्‍शो सेल्‍चा नु सुन यपाइश्‍शो खोदेंशो पा रिम्‍शो सेल्‍‍चा पुंइसीनीम। तन्‍न परमप्रभु कली मटीब, मटिना टिन बाक्‍शा, मारेइ मरुप्‍नीम। तन्‍न जोक्‍ब तुइक्‍बपुकीमी एको लोव़ रुप्‍नीम।

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

मत्ती 13:19

सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।

मत्ती 5:18

नोफा दाइश्‍शा नेनीने, सरीङ नु रागी मग्‍याम्‍म सम्‍म परमप्रभु यावे आ लोव़ का यो मग्‍याम्‍ब। नेल्‍ल थमा दुम्‍ब। लूका १६:१७

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८