भजन संग्रह 118:4 - Sunuwar Bible

⁴ परमप्रभु यावे कली मान पा हिंबपुकीमी “मेको आ दाक्‍तीके गेना हना यो लीब” देंमल।

भजन संग्रह 118:4 ပူးပေါင်းရင်းမြစ်များ

भजन संग्रह 100:5

मारदे हना परमप्रभु यावे रिम्‍शो पाइब बाक्‍ब। मिनु आ गेना हना यो दाक्‍तीके लीब। मिनु आ दाक्‍शा मप्रोंइतीके नेल्‍ल पाला सम्‍म बाक्‍ब।

भजन संग्रह 115:9

गे इस्राएलीपुकी, परमप्रभु यावे कली थमा सुतीन। मेको इन कली वारच पाइब नु तेक्‍तीक बाक्‍ब।

भजन संग्रह 118:29

गे परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १०६:१; भजन संग्रह १०७:१; भजन संग्रह ११८:१; भजन संग्रह १३६:१

भजन संग्रह 22:23

गे परमप्रभु यावे कली मान पा हिंबपुकीमी, मेको कली ठेयब सेलीन। याकूब आ चच युइ, मेको कली “गे नेल्‍ल क्‍येङा ठेयब बाक्‍नीनी” देनीन। इस्राएल आ चच युइ नेल्‍ल मेको कली मान पा हिनीन।

प्रकाश 19:5

मिनु परमप्रभु यावे आ नित्‍तीक रे सेंदा का ग्रूशो नेंता। मेको सेंदामी “परमप्रभु यावे आ वाइलीम वाइल, परमप्रभु यावे कली मान पा हिंब आइक्‍च नु ठेयब मुर नेल्‍लेमी ‘आंइ परमप्रभु यावे नेल्‍ल क्‍येङा ठेयब बाक्‍ब’ देनीन” देंशो नेंता।