भजन संग्रह 117:1 - Sunuwar Bible

¹ रागी रागी ङा मुर नेल्‍लेम परमप्रभु यावे कली ठेयब सेलीन। जात जात ङा मुर नेल्‍लेम मेको कली मान पने! रोमी १५:११

भजन संग्रह 117:1 ပူးပေါင်းရင်းမြစ်များ

भजन संग्रह 150:6

सोक्‍त पाइश्‍शो नेल्‍लेमी परमप्रभु यावे कली ठेयब सेलीन। परमप्रभु यावे कली ठेयब सेलीन। भजन संग्रह ४१:१४; प्रकाश ५:१३

भजन संग्रह 66:1

ए रागी ङा मुर नेल्‍ले, ग्‍येरशा परमप्रभु कली कुम्‍सो पने।

भजन संग्रह 66:4

रागी ङा मुर नेल्‍ल इन ङोंइती बाप्‍नीम। मेकोपुकीमी इन कली ठेयब सेल्‍शा, कुम्‍सो पाइनीम। मिनु इन नें कली ठेयब सेल्‍शा, कुम्‍सो पाइनीम। ठेयब सेंदा पा।

भजन संग्रह 67:3

परमप्रभु, जात जात ङा मुरपुकीमी इन कली ठेयब सेल्‍मेक्‍ल। मिनु मुर नेल्‍लेमी इन कली ठेयब सेल्‍मेक्‍ल।

भजन संग्रह 86:9

परमप्रभु, इन सेल्‍शो रागी रागी ङा मुर इन ङोंइती बाप्‍शा, इन नें थिशा, इन कली ठेयब सेल्‍चा माल्‍नीम।

रोमी 15:11

चिनु “ए, अर्को रागी ङा मुर नेल्‍लेमी परमप्रभु यावे कली ठेयब सेलीन, जात नेल्‍लेमी मेको कली मान पचा माल्‍नीम” दे ब्रेक्‍शो बाक्‍ब। भजन संग्रह ११७:१

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३