भजन संग्रह 115:4 - Sunuwar Bible

⁴ मेको आन मूर्तिपुकी मुर आन गुइम सेल्‍शो सुन नु चांदी के बाक्‍नीम। ब्‍यवस्‍था ४:२८; यसैया ४४:९-२०

भजन संग्रह 115:4 ပူးပေါင်းရင်းမြစ်များ

१ राजा 18:26

मोपतीके मेको आन योव़शो ब्‍यफ लांइसीशा, क्‍योरशा चढ़ेशा, बाल आ नें थिशा सुनी रे नाक्‍त सम्‍म “ए बाल! आंइ कली लोव़ लेत्‍तीकी” दे ग्रीमा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मिनु मेकोपुकी मेको आन सेल्‍शो चढ़ेतीक आ एर ओंथ प्रेक्‍ना प्रेक्‍न सिल पामे बाक्‍त।

१ राजा 18:29

मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।

२ राजा 19:18

मेकोपुकीमी मेको आन देवी देवता आन कली मीम हुम्‍शा नेक्‍पाइक्‍तेक्‍म। मारदे हना मेको परमप्रभु मनम। मेको मुरुमी सेल्‍शो शी नु फुल्‍लु के ला बाक्‍तेक्‍म। मोपतीके मेको खतम दुम्‍तेक्‍म।

२ इतिहास 32:19

मेकोपुकीम मुर आन गुइम सेल्‍शो रागी ङा देवता आन कली खोदेंशो पा यरूसलेम ङा परमप्रभु कली तोक्‍शा लोव़ पामे बाक्‍त।

भजन संग्रह 97:7

मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। येरमीया ४६:२५; हिब्रू १:६

यसैया 37:19

मेको आन देवी देवता मीम हुम्‍ताक्‍म। मारदे हना मेकोपुकी मुर आन गुइमी सेल्‍शो, शी नु फुल्‍लु के बाक्‍नीम। मेकोपुकी इन खोदेंशो मनम। मोपतीके खतम सेल्‍चा पुंइसाक्‍म।

यसैया 42:17

मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।

यसैया 44:10

सुम यपाइश्‍शा मुशा रिम्‍शो गेय पने मचाप्‍ब देवता आ मूर्ति सेल्‍बा?

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

यसैया 44:9

मिनु “मूर्ति सेल्‍ब नेल्‍ल फश खोदेंशो बाक्‍नीम। मेको आन सेल्‍चा दाक्‍शो मूर्ति शोर गाक्‍शो बाक्‍नीम। मेको आन पर्बम शेंबपुकी मिक्‍च मताइब खोदेंशो दुम्‍शा, मारेइ मतुइक्‍नीम। मोपतीके मेको मुने दोक्‍नीम। यसैया ४५:१६; भजन संग्रह ११५:४-८; येरमीया १०:३-१६

दानीएल 3:5

गे ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, पिप नेबुकदनेसरमी राप्‍पाइश्‍शो सुन के मूर्ति आ ङोंइती खुम्‍की पा बाप्‍शा, सेउ पचा माल्‍नीनी।

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

होसे 8:6

मेको बाछा इस्राएल रागी रे चाक्‍शो बाक्‍त। मूर्ति सेल्‍बम मेको कली सेल्‍तु। मेको परमप्रभु मबाक्‍ब। काबु नाक्‍ती मेको सामरीया ङा बाछा टुक्रा टुक्रा दुम्‍ब।

प्रेरित 19:26

मुल चहिं एको पावल नें पाइश्‍शो मुरुमी एसीया नेल्‍ल हिरने थुम्‍शा, इं एफिससमी जाक्‍शा, मुर नेल्‍ल आन कली ‘मुर आन गुइ रे सेल्‍शो मूर्ति देवी ममाइ’ देंशा शुश मुर आन थुंमी मूर्ति पूजा पचा प्रोंइपाइक्‍तीमी। मेको इं मिक्‍चीम ताइतय।

प्रेरित 19:35

मिनु नोले सहर ङा ठेयब मुरुमी मेको आन कली रेयके पचा नाइक्‍पाइक्‍मी बाक्‍त। मिनु “इं एफिसीपुकी, आं लोव़ नेनीने। इं एफिसस सहरमी बाक्‍ब आरतेमीस देवी आ मन्‍दीर, आ नें यो नेल्‍ल क्‍येङा ठेयब बाक्‍ब, दे मुर नेल्‍लेमी ममिम्‍नीमी ङा? सरीङ रे दोक्‍शो मूर्ति कली मान पा ठेयब मसेल्‍नीमी ङा?

ब्‍यवस्‍था 4:28

मिनु गेपुकीमी मेकेर ङा मुर आन सेल्‍शो शी के, फुल्‍लु के मताइब, मनेंब, मजाइब नु मनाम्‍ब मूर्ति आन कली पूजा पाइनीनी। ब्‍यवस्‍था २८:३६; भजन संग्रह ११५:४-७