भजन संग्रह 115:12 - Sunuwar Bible

¹² परमप्रभु यावेमी आंइ कली मिम्‍ब। मिनु आसीक गेब। मेकोमी इस्राएल ङा मुर आन कली आसीक गेब। मेकोमी हारून आ खिं ङा मुर आन कली आसीक गेब।

भजन संग्रह 115:12 ပူးပေါင်းရင်းမြစ်များ

उत्पत्ती 8:1

मिनु परमप्रभुमी नोआह नु ठेयब डोंगामी बाक्‍ब नेल्‍ल ब्‍वाकी ङा जन्‍तु नु बी ब्‍यफ क्‍यारश भेडा आन कली मप्रेंदीमी बाक्‍त। मिनु परमप्रभुमी रागीम फश पपदा बाक्‍त। मिनु ब्‍वाक्‍कु सोव़माक्‍त।

भजन संग्रह 135:19

इस्राएल आ खिं ङा मुरपुकी, परमप्रभु यावे कली ठेयब सेलीन। हारून आ खिं ङा मुरपुकी परमप्रभु यावे कली ठेयब सेलीन।

भजन संग्रह 136:23

मेकोमी गो श्‍येत जकानु, आंइ कली मिम्‍ताक्‍व। मारदे हना मेको आ दाक्‍तीके गेना हना यो लीब।

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

भजन संग्रह 67:7

परमप्रभुम, इं कली आसीक गेना गेन बाक्‍ब। मिनु रागी ङा मुर नेल्‍ले मेको कली मान पा हिंनीम।

यसैया 44:21

याकूब गे एको लोव़ मिम्‍तो। इस्राएल मिम्‍तो। मारदे हना गे आं गेय पाइब बाक्‍नेवे। गो इ कली सेल्‍तन, गे आं गेय पाइब बाक्‍नेवे। इस्राएल इ कली मप्रेंनन। यसैया ४१:८

गन्‍ती 6:27

मेकोपुकीमी मोदेंशो लोव़ पा, आं नें इस्राएली आन तार वोइक्‍चा माल्‍नीम। मिनु गो मेको आन कली आसीक गेनुङमी” दे मोसा कली देंत।

प्रेरित 10:4

कोरनेलीयसमी हिंशा, कोव़स ङा कोव़स पा “मार देंनी, प्रभु” देंमेनु “इ प्रार्थना पशो, प्रभु कली मान पा टिशो, इ शिशी पा वारच पशो नेल्‍ल परमप्रभु यावेमी तुइश्‍शो बाक्‍ब।

प्रेरित 3:26

मोपतीके परमप्रभु यावेमी आ गेय पाइब येसु कली ङोंइती इन बाक्‍तीकेम सोइक्‍ताक्‍व। मारदे हना इन कली आसीक गेशा, इन मरिम्‍शो गेय रे लेत्‍चा, दे मोदेंशो पाप्‍तु, दे रुपीने” दे शेंदीमी बाक्‍त। प्रेरित १३:४६

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

गलाती 3:29

ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी।

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।