भजन संग्रह 113:7 - Sunuwar Bible

⁷ मेकोमी प्रुङग आन कली फुरकुम निश्‍शो रे पोक्‍ब। मिनु श्‍येत जाइब आन कली ग्रांग्रा दितीक रे पोक्‍ब। १सामुएल २:८; लूका १:४८; उत्‍पत्ती ४१:४०-४१

भजन संग्रह 113:7 ပူးပေါင်းရင်းမြစ်များ

१ राजा 16:2

मार लोव़ पवा बाक्‍त देंशा हना “गो इ कली फुरक रे पोक्‍शा आं मुर इस्राएली आन ठेयब मुर सेल्‍तन। तन्‍न गे येरोबाम आ लांम गाक्‍शा, आं मुर इस्राएली आन कली पाप पपाइक्‍तीवी। मिनु मेको आन पापम पतीके आं कली गाइक्‍पाइक्‍तीमी। १राजा १४:७

अय्‍युब 2:8

मिनु अय्‍युबम ब्‍वाम्‍सीचा कली गर आ गम्‍टे का शेशा पुलु तार निस्‍से बाक्‍त।

अय्‍युब 5:11

मेकोम महिक्‍सीशो मुर आन कली ठेयब सेल्‍ब। मिनु रोंका पाइब आन कली लेंशा ग्‍येरपाइक्‍‍ब। भजन संग्रह ७५:८; लूका १:५२

भजन संग्रह 107:41

तन्‍न मेकोमी श्‍येत जाइब आन कली श्‍येत रे प्रोंइब। मिनु मेको आन खिं ङा मुर आन कली भेडा आन हुल खोदेंशो पा शुश सेल्‍ब।

भजन संग्रह 22:15

आं सक्ति ग्‍युम्‍त। ब्रोल्‍शो खप के गर खोदेंशो दुम्‍त। आं शोव़ सोव़त। मिनु गे आं कली साइक्‍चा ठीक पाइतीनी। यूहन्‍ना १९:२८

यसैया 26:19

इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३

इजीकीएल 17:24

मिनु रू ङा रवा नेल्‍लेम गो, परमप्रभु यावे नङ, दे तुइक्‍चा माल्‍नीम। गो लाइश्‍शो रवा आन कली आइक्‍च सेल्‍नुङ। आइक्‍च रवा आन कली लाइश्‍शो सेल्‍नुङ। गो गिगी रवा आन कली सोव़पाइक्‍नुङ। मिनु सोव़शो रवा आन कली गिगी दुम्‍पाइक्नुङ। गो, परमप्रभु यावेमी एको लोव़ पाता। मिनु गो एको थमा पा पाइनुङ” देंत।

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

१ सामुएल 24:14

इस्राएल ङा पिप सु का आ पर्बम बोक्‍शो बाक्‍बा? गे सु कली खेदा पना पन बाक्‍नीनी? बेक्‍शो कुचुम, चुक्‍बे का कली खेदा पाइनीनी?