भजन संग्रह 112:9 - Sunuwar Bible

⁹ मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

भजन संग्रह 112:9 ပူးပေါင်းရင်းမြစ်များ

भजन संग्रह 111:3

मेको आ गेय ठेयब नु मान पाइक्‍चा पुंइसीब बाक्‍नीम। मिनु परमप्रभु आ ठीक पतीके गेना हना यो लीब।

भजन संग्रह 112:3

मेको आन खिंमी शोंप बाक्‍ब। मेको आन ठीक पतीके गेना हना यो लीब।

भजन संग्रह 75:10

गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम।

भजन संग्रह 92:10

गे आं कली ब्‍वाकी ङा ब्‍यफ खोदेंशो पा सक्ति गेतीनी। आं कली नेल्‍ल क्‍येङा रिम्‍शो तेल लुक्‍ताक्‍यीनी। भजन संग्रह २३:५

भजन संग्रह 92:11

गो आं जोरी सत्रु ब्रुशो तशा ग्‍येरसीनुङ। आं कली मरिम्‍शो पाइबपुकी खतम दुम्‍शो लोव़ नेंशा, ग्‍येरसीनुङ।

हितोपदेस 14:24

जोक्‍ब मुर आन तुइक्‍तीके आन सिरपेच खोदेंशो बाक्‍ब। तन्‍न मूर्ख आन पशो आन माला खोदेंशो बाक्‍ब।

हितोपदेस 19:17

सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६

हितोपदेस 21:26

नाक्‍त रे अल्‍‍‍सेमी मारेइ मारेइ माल्‍ब। तन्‍न ठीक पाइबमी मखेक्‍थु, गेब।

उपदेसक 11:6

गे सुनी इ वांचेर शोक्‍को। मिनु नाक्‍दो यो गेय प‍चा मप्रोनो। मारदे हना मुल शोक्‍शो नु आपो शोक्‍शो तेको ग्रेल्‍बा, मतुइक्‍नेवे। निम्‍फा ग्रेल्‍नीसी कों? मतुइक्‍नेवे।

उपदेसक 3:6

माल्‍तीक ना बाक्‍ब। मिनु साम्‍तीक ना बाक्‍ब। वोइक्‍तीक ना बाक्‍ब। मिनु ताइक्‍तीक ना बाक्‍ब।

यसैया 32:8

तन्‍न रिम्‍शो थुं पाइश्‍शो मुरपुकीमी रिम्‍शो गेय ला मिम्‍नीम। मिनु गेना हना यो रिम्‍शो गेय पा बाक्‍नीम।

यसैया 58:10

गे शोव़लु बेक्‍ब आन कली इन जचा थोव़क गेतीनी हना, श्‍येत जाइब आन माल्‍शो गेतीनी हना, इन छेङछेङ छिङछिङम ब्राइब। इन नाक्‍दो ङा छिङछिङ नाक्‍ती ङा छेङछेङ खोदेंशो दुम्‍ब।

यसैया 58:7

आंम जचा थोव़क शोव़लु बेक्‍ब नु योक्‍चा, खिं मबाक्शो नु प्रुङग आन कली इन खिंम बाक्‍चा गेचा, शिश्रा बाक्‍ब आन कली वा फेक्‍चा गेचा नु इन लोक्‍ब आन कली वारच पचा, आं दाक्‍शो माइजा बाक्‍तीक बाक्‍ब। ब्‍यवस्‍था १५:११; इजीकीएल १८:७; मत्ती २५:३५-३६

मत्ती 6:4

मोदेंशो पा इन गेशो ख्रुइश्‍शोम बाक्‍ब। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।

मर्कूस 14:7

श्‍येत जशो मुर गेना हना यो थित्‍नीनी, मिनु शिशी पाइक्‍चा दाक्‍ताक्‍नी हना, गेना हना यो पाइक्‍ने चाप्‍नीनी। आं कली चहिं नोले मथित्‍नीनी। ब्‍यवस्‍था १५:११

लूका 11:41

गे आगा ङा थोव़क मथीब आन कली गेने। मिनु इन कली नेल्‍ल रिम्‍शो दुम्‍ब।

लूका 12:33

इन के बाक्‍शो लेयशा, मथीब आन कली योक्‍शा गेने। मो पनीनु, स्‍वर्गम इन शोंप लीब। मिनु मेको मोपा वोइश्‍शो शोंप खुइमी खुइ पने मचाप्‍नीम, खिया मजोइब मराक्‍ब, गेनायो मजाम्‍ब। लूका १८:२२

लूका 16:9

मोपतीके गे यो निप्‍स पाइश्‍शो गेय पा वारचपुकी सेलीने। इन शोंप क्‍येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्‍त। लूका १४:१४; मत्ती ६:२०; मत्ती १९:२१

लूका 18:22

मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०

यूहन्‍ना 13:29

का निक्‍शीमी “यहूदामी क्‍येट आ थैली कुरशो बाक्‍ब। मिनु येसुमी मेको कली पास्‍सा नाक्‍त कली ‘मार मार माल्‍नया, मेको ग्‍याप्‍थ लावो, दे मदा कों, प्रुङग आन कली क्‍येट योक्‍शा गेवो’ दे मदा कों?” दे मिम्‍ताक्‍म।

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

प्रेरित 4:35

मेको १२ जना सोइश्‍शो आन कली गेशा, सु सु कली माल्‍मा, मेको आन कली योक्‍शा गेचा नमी, दे गेबाक्‍मा बाक्‍त। मिनु मेकोपुकीमी योक्‍बाक्‍मा बाक्‍त।

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७

ब्‍यवस्‍था 15:11

मारदे हना रागीम श्‍येत जशो प्रुङगपुकी गेना हना यो बाक्‍नीम। मोपतीके गो इन कली इन रागीम बाक्‍शो श्‍येत जाइब इन लोक्‍ब नु प्रुङग आन कली तशा, हाइश्‍‍शो मुर दुम्‍शा गेन। मत्ती २६:११; यसैया ५८:७; याकूब २:१५-१६

ब्‍यवस्‍था 15:14

परमप्रभु यावे, इन परमप्रभुमी इन कली आसीक गेशो रे इन क्‍यारश भेडा इन अन्‍न नु अङगुर शांबु रे मेको कली शुश गेशा सोइक्‍तीन।

ब्‍यवस्‍था 24:13

नां रिक्‍ची ना मेको जाकटी लेश्‍शा गेने। मिनु मेकोमी मेको आ फेक्‍तीक फेक्‍शा इप्‍थ लने चाप्‍ब। मिनु मेकोम इन कली आसीक गेब। मेको परमप्रभु यावे, इन परमप्रभु आ ङोंइती ठीक पतीक बाक्‍ब। प्रस्‍थान २२:२५; अय्‍युब २२:६; आमोस २:८; ब्‍यवस्‍था ६:२५

१ तिमोथी 6:18

मेकोपुकीमी रिम्‍शो गेय पतीकेमी गेनायो मनुप्‍ब शोंप पाइश्‍शो दुम्‍मल। हाइश्‍शो दुम्‍शा, मुर आन कली गेब दुम्‍चा माल्‍नीम।

हिब्रू 13:16

अरु आन कली रिम्‍शो पने। मथीब मचाप्‍ब आन कली मार माल्‍दा, मेको गेचा मप्रेंदीने। मिनु परमप्रभु यावेमी इन कली मोदेंब रिम्‍शो पशो तशा ग्‍येरब।

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

प्रकाश 22:11

सु सुमी पाप पाइनीमी, मेको पामेक्‍ल। सु सु ग्रांग्रा दिचा ङा बाक्‍मा, मेको मोदेंन बाक्‍मल। सु सु चहिं ठीक पाइब बाक्‍नीमी, मेको ठीक पा बाक्‍मल। सु सु प्रभु आ मुर बाक्‍मा, मेको मोदेंशोन बाक्‍मल” दे परमप्रभु यावे आ स्‍वर्ग ङा गेय पाइबमी देंत। दानीएल १२:१०

१ सामुएल 2:1

हान्‍नाहमी “आं थुं परमप्रभु यावे नु ग्‍येरसीब। गो परमप्रभु यावे आ पर्बम आं पिया पोक्‍नुङ। गो आं जोरी सत्रु आन कली ग्राती। गेम आं कली प्रोंइतीके गो ग्‍येरसाक्‍यी। लूका १:४६-५५

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८