भजन संग्रह 112:5 - Sunuwar Bible

⁵ हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।

भजन संग्रह 112:5 ပူးပေါင်းရင်းမြစ်များ

नेहेम्‍याह 4:13

मोपतीके गो गारो आ नेल्‍ल क्‍येङा आइक्‍च दुम्‍तीके, आंइ जोरी सत्रु आन शुश श्‍येत मजथु, ओव़ने चाप्‍‍तीकेम, मुर आन कली खुप्‍ताक्‍ङमी। मेको आन कली तरवार, तूतीक नु लिब्रा कुरपाइश्‍शा मेकेर वोइक्‍ता‍मी।

भजन संग्रह 37:21

परमप्रभु आ अरेशो मटीबपुकीमी जेर जशा, मथाप्‍नीम। मिनु ठीक पाइबपुकीमी हाइश्‍शो दुम्‍शा गेनीम।

हितोपदेस 12:2

परमप्रभु यावेमी रिम्‍शो पाइब मुर आन कली दाक्‍ब। दूली मिम्‍शा हेंथे पाइब आन कली चहिं दोस गेब।

हितोपदेस 17:18

सु आ नेक्‍था ङा मुर आ पर्बम जमानी बाक्‍चा कली सल्‍ला पाइबा, मेको मरुप्‍ब मुर बाक्‍ब। हितोपदेस ६:१-५

हितोपदेस 18:9

अल्‍सी पाइब मुर हेंथे पाइब आ लोक्‍ब बाक्‍ब। हितोपदेस १०:४

हितोपदेस 2:20

मोपतीके रिम्‍शो मुर आन लां गाक्‍को। ठीक पाइब आन लां गाक्‍को।

हितोपदेस 24:27

ङोंइती इ लाङगा ङा गेय थुमो। इ रूमी मार मार शोक्‍को। मिनु नोले इ खिं सेलो।

लूका 23:50

यहूदीया रागी अरीमाथीया सहर ङा योसेफ नें पाइश्‍शो ठेयब मुर का बाक्‍माक्‍त। मेको मुर यरूसलेम “येसु कली साइक्‍चा” दे लोव़सी पामेनु, मबिश्‍शो बाक्‍माक्‍त।

लूका 6:35

इन जोरी सत्रु आन कली दाक्‍तीन। वारच पने। लेंशा ताक्‍चा ममिम्‍थु जेर गेने। मो पाइतीनी हना, गे ठेयब इनाम ताइनीनी। मिनु नेल्‍ल क्‍येङा ठेयब आ मुर दुम्‍नीनी। मारदे हना ‘रिम्‍शो पाइतीनी’ मदेंब नु आ अरेशो मटीब आन कली रिम्‍शो पाइब।

यूहन्‍ना 6:12

मिनु मुर नेल्‍लेमी रूथ्री जामे नोले, येसुमी आ शेंसीब आन कली “एर ओंथ दोशो शोब्‍ले लीशो बाक्‍मे, मेको नेल्‍ल खुप्‍तीन” देंत।

प्रेरित 11:24

बारनाबास रिम्‍शो मुर बाक्‍माक्‍त। परमप्रभु यावे आ सोक्‍तीमी ब्रीशा, खोइल थेक्‍शो खोदेंशो पा थमा सुइक्‍बाक्‍माक्‍त। आ पशो तशा, आ लोव़ नेंशा, शुश मुरुमी प्रभु कली थमा सुइक्‍ब दुम्‍मा बाक्‍त। प्रेरित ५:१४

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

रोमी 5:7

ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?

एफिसी 5:15

मोपतीके होस पा बाक्‍कीन। मतुइक्‍ब ममाइ, तुइक्‍ब मुर दुम्‍शा बाक्‍कीन। मत्ती १०:१६; कलस्‍सी ४:५

फिलिप्‍पी 1:9

आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६

कलस्‍सी 4:5

गेपुकी थमा मसुइक्‍ब आन ङोंइती रिम्‍शो जोक्‍शा तुइश्‍‍शा गेय पने। लोव़ पचा तनीनु, रिम्‍शो पा लोव़ पने। एफिसी ५:१५-१६; १थिस्‍सलोनिकी ४:१२