भजन संग्रह 112:4 - Sunuwar Bible

⁴ रिम्‍शो थुं पाइश्‍शो मुर छिङछिङम बाक्‍तेक्‍म हना यो, छेङछेङ दुम्‍ब। मेको मुर आन कली दाक्‍ब, शिशी पाइब नु ठीक पाइब बाक्‍नीम।

भजन संग्रह 112:4 ပူးပေါင်းရင်းမြစ်များ

अय्‍युब 11:17

इन ब्रोंइतीक नाक्‍त ङा छेङछेङ खोदेंशो दुम्‍ब। मिनु इन श्‍येत ङा छिङछिङ सुनी ङा छेङछेङ खोदेंशो दुम्‍ब।

अय्‍युब 22:28

गे मार पाइनुङ, दे मिम्‍नीनी, मेको दुम्‍ब। मिनु इन लांम छेङछेङ दुम्‍ब।

अय्‍युब 29:3

मेना मेको आ छेङछेङ आं पिया तार बाक्‍त। मिनु गो छिङछिङम मेको आ हाम्‍सोम गाक्‍ती। भजन संग्रह १८:२९

भजन संग्रह 106:1

परमप्रभु यावे कली ठेयब सेलीन। गेपुकीमी “गे रिम्‍शो पाइब बाक्‍नीनी” दे लोव़ पने। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १००:४-५; प्रस्‍थान १०७:१; प्रस्‍थान ११८:१; १इतिहास १६:३४

भजन संग्रह 116:5

परमप्रभु यावे शिशी पाइब नु ठीक पाइब बाक्‍ब। आंइ परमप्रभु शुश दाक्‍ब बाक्‍ब।

भजन संग्रह 145:17

परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।

भजन संग्रह 37:6

मेकोमी इन ठीक दुम्‍तीके छेङछेङ खोदेंशो पा ग्रूपाइक्‍ब। इन ठीक पतीके नाक्‍ती खोदेंशो दुम्‍पाइक्‍ब। मीका ७:९

भजन संग्रह 97:11

ठीक पाइब आन कली छेङछेङ बाक्‍ब। मिनु ब्रेम्‍शो थुं पाइश्‍शो मुर आन कली ग्‍येरतीक बाक्‍ब।

हितोपदेस 21:21

सु मुरुमी ठीक पतीके नु शिशी पतीके आ नोले खोइक्‍बा, मेको ब्रोंइशा, सोशा बोशा दुम्‍शा मान ताइब दुम्‍ब।

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

यसैया 58:10

गे शोव़लु बेक्‍ब आन कली इन जचा थोव़क गेतीनी हना, श्‍येत जाइब आन माल्‍शो गेतीनी हना, इन छेङछेङ छिङछिङम ब्राइब। इन नाक्‍दो ङा छिङछिङ नाक्‍ती ङा छेङछेङ खोदेंशो दुम्‍ब।

यसैया 58:8

मो पाइतीनी हना, गे सुनी ङा नां दाप्‍शो खोदेंशो दुम्‍नीनी। मिनु गे रीब पा सानीनी। इन कली वारच पाइब इन ङोंइती गाक्‍ब। परमप्रभु यावे आ छेङछेङमी इन नोले खोइक्‍ब। भजन संग्रह ३७:६; यसैया ५२:१२

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

लूका 6:36

दोपा इन आफोमी शिशी पवा, मोपा गेपुकीमी यो शिशी पने” देंमाक्‍त।

यूहन्‍ना 12:46

रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

एफिसी 5:15

मोपतीके होस पा बाक्‍कीन। मतुइक्‍ब ममाइ, तुइक्‍ब मुर दुम्‍शा बाक्‍कीन। मत्ती १०:१६; कलस्‍सी ४:५

एफिसी 5:9

छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

१ यूहन्‍ना 3:10

मिनु तेको मुर परमप्रभु यावे आ आल बाक्‍नीमी नु तेको मुर सैतान आ आल बाक्‍नीमी, दे तुंइ‍सीब। दोपा तुंइ‍सीब देंशा हना, सु सु ठीक गेय मपाइनीमी नु आ लोक्‍ब आन कली मदाक्‍नीमी, मेको परमप्रभु यावे आ आल मनमी। मेको सैतान आ आल बाक्‍नीम। यूहन्‍ना ५:१८

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९