भजन संग्रह 112:10 - Sunuwar Bible

¹⁰ मिनु परमप्रभु आ अरेशो मटीबपुकीमी मेको नेल्‍ल तशा आन थुं खुरसीनीम। मेको आन ख्रुइ शेप्‍शा, थाम्‍पा गाइक्‍नीम। मेको आन मिम्‍शो गेनायो मजाक्‍दीप्‍ब।

भजन संग्रह 112:10 ပူးပေါင်းရင်းမြစ်များ

नेहेम्‍याह 2:10

मिनु होरोनी सान्‍बल्‍लत नु आ गेय पाइब अम्‍मोनी तोबीयाह, निम्‍फा “इस्राएली आन कली रिम्‍शो पाइब का जाक्‍शो बाक्‍ब” देंशो नेंशा, थाम्‍पा चुरताक्‍स।

अय्‍युब 20:7

मेको ख्री खोदेंशो पा जाम्‍नीम। मिनु मेको आन कली ताइब नेल्‍लेम ‘मेको ते लाक्‍गमे, खोइ?’ देंनीम। मीका ७:१०

अय्‍युब 8:13

परमप्रभु कली प्रेंबपुकी यो मोदेंशोन दुम्‍नीम। परमप्रभु कली मटीब मुर आन आस यो मोपा जाम्‍शा लाइब। अय्‍युब ११:२०; हितोपदेस १०:२८

भजन संग्रह 37:12

मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्‍येत गेचा नमी” दे मिम्‍शा, आन ख्रुइ शेप्‍शो बाक्‍नीम।

भजन संग्रह 86:17

गे इन दाक्‍तीके चिन्‍ड का गेयीनी। मिनु आं कली काइ मदाक्‍बपुकी मेको तशा, मुने दोक्‍मल। मारदे हना परमप्रभु यावे, गे आं कली वारच पाइतीनी। मिनु लेम्‍ताक्‍यीनी।

हितोपदेस 10:28

ठीक पाइब आन आस पतीके तशा ग्‍येरसीनीम। तन्‍न परमप्रभु यावे आ अरेशो मटीब आन आस पतीके जाम्‍शा लाइब। भजन संग्रह ९:१९; अय्‍युब ८:१३

हितोपदेस 11:7

परमप्रभु यावे आ अरेशो मटीब मुर बेक्‍मानु, आन आस यो जाम्‍शा लाइब। मेको आन मिम्‍शो नेल्‍ल मदुम्‍ब। हितोपदेस १०:२८

मत्ती 22:13

मिनु पिपमी आ गेय पाइब आन कली ‘एको आ गुइ खोइल फ्रेंशा ग्रुंइशा, छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम’

मत्ती 8:12

एको राज्‍य ङा मुरपुकी चहिं तिल्‍शा, छिङछिङमी सोइक्‍चा पुंइसीनीम। मेकेर मुरपुकी आन ख्रुइ शेप्‍शा ङाक्‍नीम” देंमाक्‍त।

लूका 13:28

मोदेंशो पा खेरचा पुंइसीशा, ङाक्‍शा इन ख्रुइ शेप्‍नीनी। मारदे हना इं किकी पिपी अब्राहाम, इसहाक, याकूब नु परमप्रभु यावे आ लोव़ पाइब नेल्‍ल आन कली परमप्रभु यावे आ राज्‍यम ओव़शा, बाक्‍शो ताइनीनी। गे चहिं खेरचा पुंइसीनीनी। मत्ती ८:११-१२