भजन संग्रह 112:1 - Sunuwar Bible

¹ परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 112:1 ပူးပေါင်းရင်းမြစ်များ

१ राजा 18:3

मिनु आहाबमी आ खिं कोव़ब ओबदिया कली ब्रेत्‍थ सोइक्‍ता बाक्‍त। मेको ओबदिया परमप्रभु यावे कली शुश मान पा हिंशा, थमा सुइक्‍ब मुर का बाक्‍माक्‍त।

भजन संग्रह 111:1

परमप्रभु यावे कली ठेयब सेलीन। गो रिम्‍शो थुं पाइश्‍शो मुर आन दातेमी आं थुं नेल्‍लेमी “परमप्रभु, गे रिम्‍शो पाइब बाक्‍नीनी” दे ग्रुम्‍तीकेम देंनुङ।

भजन संग्रह 111:10

परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। हितोपदेस १:७

भजन संग्रह 119:14

गो शुश शोंप तशा ग्‍येरसीशो मुर खोदेंशो पा इन देंशो लां तशा ग्‍येरसाक्‍यी।

भजन संग्रह 119:143

गो हिंती नु श्‍येत जाइब दुम्‍ती हना यो, इन शेंतीकेम आं कली ग्‍येरपाइक्‍ब।

भजन संग्रह 119:16

गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ।

भजन संग्रह 119:35

इन शेंतीके लांम गाक्‍पाइय्‍यीनी। मारदे हना गो मेको कली दाक्‍नुङ।

भजन संग्रह 119:97

गो इन अरेशो लोव़ शुश दाक्‍नुङ। गो नाक्‍त किंत किंत मेको आ पर्बम मिम्‍नुङ। भजन संग्रह १:२

भजन संग्रह 128:1

परमप्रभु यावे कली मान पा हिंबपुकी आसीक तशो बाक्‍नीम। मेकोपुकी परमप्रभु यावे आ लांम गाक्‍शो बाक्‍नीम।

भजन संग्रह 145:19

मेकोमी आ कली मान पा हिंब नेल्‍ल आन दाक्‍शो गेब। मेकोमी मेको आन पुंइशो नेंब। मिनु मेको आन कली श्‍येत रे प्रोंइब। हितोपदेस १०:२४

भजन संग्रह 147:1

परमप्रभु यावे कली ठेयब सेलीन। मारदे हना आंइ परमप्रभु कली ठेयब सेल्‍तीक कुम्‍सो पचा रिम्‍शो नु शिरशो बाक्‍ब। भजन संग्रह ९२:२

भजन संग्रह 150:1

परमप्रभु यावे कली ठेयब सेलीन। परमप्रभु कली आ बाक्‍तीकेमी ठेयब सेलीन। परमप्रभु यावे कली आ सरीङ ङा ठेयब बाक्‍तीकेमी ठेयब सेलीन।

भजन संग्रह 40:8

परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।

प्रस्‍थान 1:21

वारच पाइब मीश मुरपुकी परमप्रभु कली मान पा हिंतीके परमप्रभुमी मेको आन खिं कली यो आसीक गेवा बाक्‍त।

उपदेसक 8:12

मरिम्‍शो पाइब मुर सहे का खेयप मरिम्‍शो पशा यो शुश नाक्‍त सम्‍म ब्रोंइशा बाक्‍नीम। मो हना यो परमप्रभु कली मान पा हिंब नु आ ङोंइती बाक्‍ब आन कली रिम्‍शो दुम्‍ब, दे गो तुइक्‍नुङ। भजन संग्रह ३७:१८; भजन संग्रह ७३:१७-२६

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

लूका 1:50

सु सुम मेको कली मान पा हिंनीमी, मेको आन कली शिशी पाइब। भजन संग्रह १०३:१३,१७

रोमी 7:22

गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।

रोमी 8:6

मारदे हना मुर आ थुंमी मिम्‍शो पाइबपुकी जाम्‍शा लाइ‍नीम। परमप्रभु यावे आ सोक्‍तीम गेशो थुंमी मिम्‍शा पाइबपुकी परमप्रभु यावे नु ब्रोंइशा थुं नाइश्‍शा बाक्‍चा ताइनीम। रोमी ६:२१; गलाती ६:८

ब्‍यवस्‍था 28:3

गेपुकी सहरम बाक्‍शा, आसीक राइनीनी। मिनु रूम बाक्‍शा, आसीक राइनीनी। उत्‍पत्ती ४९:२५-२६