भजन संग्रह 110:7 - Sunuwar Bible

⁷ मेकोमी लां आ नेक्‍था ङा खोला ङा ब्‍वाक्‍कु तूब। मोपतीके मेको सक्ति पाइश्‍शो दुम्‍शा ग्राब।

भजन संग्रह 110:7 ပူးပေါင်းရင်းမြစ်များ

अय्‍युब 21:20

मेकोपुकीम आंमा आन कली खतम दुम्‍तीक तामेक्‍ल। मेकोपुकीम नेल्‍ल क्‍येङा ठेयब सक्ति पाइश्‍शो आ गाइश्‍शो तुइक्‍तमेक्‍ल।

भजन संग्रह 102:9

मारदे हना गो शोब्‍ले खोदेंशो पा पुलु जाइनुङ। मिनु प्रेक्‍कु ब्‍वाइश्‍शो ब्‍वाक्‍कु तूनुङ।

भजन संग्रह 27:6

मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ।

भजन संग्रह 3:3

परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१

येरमीया 23:15

मोपतीके मुर नेल्‍ल आन परमप्रभु यावेम आ लोव़ पाइब आन पर्बम “गो मेको आन कली कशो थोव़क उम्‍नुङमी। मिनु तूचा कली बीस ब्‍वाइश्‍‍शो ब्‍वाक्‍कु तूचा गेनुङमी। मारदे हना यरूसलेम ङा परमप्रभु यावे आ लोव़ पाइब रेन रागी नेल्‍लेम परमप्रभु यावे कली थमा मसुइश्‍शो बाक्‍नीम” देंत। येरमीया ९:१५

येरमीया 52:31

यहूदा ङा पिप येहो-याकीन कली ग्‍याइश्‍शा लाइश्‍शो ३७ बर्समी एवील-मेरोदक बेबीलोन ङा पिप दुम्‍त। मेको आ सासन पशो १२ महिना २५ नाक्‍ती दुम्‍मेनु, मेकोमी यहूदा ङा पिप येहो-याकीन कली चोक्‍तीक रे प्रोंइपाइक्‍तु।

मत्ती 20:22

मिनु येसुमी आ तौ आस गे हिरशा “इस पुंइशो मार बाक्‍मे, दे मरुप्‍नीसी। गोमी तूचशो कचौरा तूने चाप्‍नीसी?” देंमेनु “चाप्‍नस्‍कु” देंताक्‍स। मत्ती २६:३९

मत्ती 26:42

मिनु लेंशा इच्‍का आइक्‍ची लशा “आं आफ, गोमी एको मतूथु सोइक्‍चा मदुम्‍बाक्‍त हना, इन दाक्‍शो दुम्‍ल” दे प्रार्थना पवा बाक्‍त।

लूका 24:26

ख्रीस्‍त श्‍येत जशा, सक्ति पाइश्‍शो दुम्‍शा, राज्‍य पचा ताइब देंशो लोव़ मुल यो मरुप्‍नीसी?” देंमाक्‍त।

यूहन्‍ना 18:11

येसुमी “इ या खोतीमी पिप्‍तो। गो आं आफोमी देंशो श्‍येत मजङल, दे मिम्‍नीनी? गो मेको श्‍येत जचा माल्‍नुङ” देंत।

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२

न्‍यायाधीस 15:19

मिनु परमप्रभुमी लेही ङा खाल्‍टा कली प्रोल्‍शा, मेक रे ब्‍वाक्‍क ग्रुंइदा बाक्‍त। मिनु सिम्‍सोनमी ब्‍वाक्‍कु तूङा बाक्‍त। मिनु लें‍शा, बोल्‍यो दुम्‍माक्‍‍त। मोपतीके लेही ङा ब्‍वाक्‍कु बुक्‍तीक कली मुलाक्‍त सम्‍म एन-हाकोरे देंनीम।