भजन संग्रह 11:4 - Sunuwar Bible

⁴ परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। हाबाकुक २:२०; यसैया ६६:१; भजन संग्रह ३३:१३-१४

भजन संग्रह 11:4 ပူးပေါင်းရင်းမြစ်များ

१ इतिहास 17:5

इस्राएली आन कली इजीप्‍त रे ग्रुंइशा एक चाक्‍शो नाक्‍त रे मुल सम्‍म गो गेनायो खिंम मबाक्‍ङ। गो ताम्‍बुम, आं बाक्‍तीकेम बाक्‍शो बाक्‍ती।

२ इतिहास 16:9

परमप्रभु यावेमी सु आन थुंम थमा पा मेको नु बाक्‍बा, मेकोमी रागी नेल्‍लेम माल्‍ना माल्‍न मेको कली कोव़शा, मेको आन कली बोल्‍यो सेल्‍ब। गे अराम ङा पिप नु गारशा मरिम्‍शो पाइतीनी। मुल रे गे लडाइ पस ङा पस बाक्‍चा माल्‍नीनी” देंमाक्‍त। हितोपदेस १५:३

अय्‍युब 24:23

परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।

भजन संग्रह 103:19

परमप्रभु यावेमी आ ठेयब नित्‍तीके स्‍वर्गम वोइश्‍शो बाक्‍ब। मिनु स्‍वर्ग नु रागीम बाक्‍शो नेल्‍ल कली सासन पाइब।

भजन संग्रह 113:5

परमप्रभु यावे, आंइ परमप्रभु खोदेंशो अर्को सु बाक्‍बा ङा? सु नेल्‍ल क्‍येङा इर निश्‍शो बाक्‍बा ङा? प्रस्‍थान १५:११; यसैया ५७:१५

भजन संग्रह 139:23

परमप्रभु, गे आं कली नाक्‍शा, आं थुं कोव़यीनी। मिनु आं कली कोव़शा आं मिम्‍शो तुइक्‍तीन।

भजन संग्रह 14:2

परमप्रभु यावेमी स्‍वर्ग रे मुर आन कली कोव़ब। मारदे कोव़ब देंशा हना, मुर आन दातेमी जोक्‍ब तुइक्‍ब परमप्रभु कली माल्‍ब, सुइ बाक्‍मा कों, दे कोव़ब।

भजन संग्रह 18:6

गो श्‍येत जङानु, परमप्रभु यावे कली “वारच पने” दे आं परमप्रभु कली ठेयब सेंदा पा पुंइता। मिनु परमप्रभु आ बाक्‍तीकेम बाक्‍शा, आं सेंदा नेंतु। आं पुंइशो लोव़ रुप्‍तु।

भजन संग्रह 2:4

मिनु स्‍वर्गम बाक्‍ब परमप्रभु चहिं मेको मुर आन कली तशा, रिप्‍ब। मेको आन पशो तशा शुक्‍शी पाइब। भजन संग्रह ५९:९

भजन संग्रह 33:13

परमप्रभु यावेमी स्‍वर्ग रे कोव़शा, मुर नेल्‍ल आन कली ताइब।

भजन संग्रह 44:21

मार, परमप्रभुमी मतुइक्‍बा ङा? मारदे हना परमप्रभुमी मुर आन थुं ङा ख्रुइश्‍शो नेल्‍ल तुइक्‍ब।

भजन संग्रह 66:7

मेकोमी आ सक्तिमी गेना हना यो सासन पाइब। मेकोमी रागी रागी आन कली कोव़ब। मेको कली मटीब ठेयब मलेम्‍मल। ठेयब सेंदा पा।

भजन संग्रह 9:11

सियोन डांडामी बाक्‍ब परमप्रभु यावे कली ठेयब सेल्‍तीक कुम्‍सो पने। जात जात ङा मुर आन कली आ पशो शेंदीने।

हितोपदेस 15:3

परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।

येरमीया 23:24

मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।

हबकुक 2:20

मिनु परमप्रभु यावे आंम आ बाक्‍तीकेमी बाक्‍ब। रागी नेल्‍ल मेको आ ङोंइती मान पा सिक्‍सी पवल” देंत। भजन संग्रह ११:११; भजन संग्रह ७६:९; जकरिया २:१७; प्रेरित ८:३

जकरिया 2:13

रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०

मत्ती 23:21

परमप्रभु यावे आ खिं थिशा कसम जाइबमी परमप्रभु यावे आ खिं नु मेकेर बाक्‍ब परमप्रभु यावे कली थिशा कसम जशो बाक्‍ब।

मत्ती 5:34

गोमी मार देंनुङ देंशा हना, कसम का यो मजने। सरीङ आ नेंमी कसम मजने। मारदे हना सरीङ परमप्रभु यावे आ नित्‍तीके बाक्‍ब। मत्ती २३:१६-२३२; यसैया ६६:१

प्रेरित 7:49

‘सरीङ आं नित्‍तीके बाक्‍ब। रागीम आं खोइल थेक्‍तीक बाक्‍ब। मोपतीके आं कली दोदेंशो खिं सेल्‍ने चाप्‍नीनी? गो आं नाइक्‍चा कली बाक्‍तीक मार सेल्‍ने चाप्‍नीनी?

२ थिस्‍सलोनिकी 2:4

मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। दानीएल ११:३६; मत्ती २४:१५

हिब्रू 4:13

मेको आ ङोंइती सुइमी मारेइ ख्रुइक्‍ने मचाप्‍नीम। नेल्‍लेमी पशो नु मिम्‍शो मेको आ ङोंइती तांइसीब।

प्रकाश 4:2

मिनु गो परमप्रभु यावे आ सोक्‍तीमी ब्रीती। स्‍वर्गमी ठेयब नित्‍तीके वोइश्‍शो ताता। मेको ठेयब नित्‍तीकेमी का निश्‍शो ताता। भजन संग्रह ४७:९; यसैया ६:१; इजीकीएल १:२६-२८