भजन संग्रह 109:6 - Sunuwar Bible

⁶ मेकोपुकीमी मेको कली दोस गेचा कली परमप्रभु आ अरेशो मटीब का वोतीन। मेको कली दोस गेचा कली मेको आ ग्‍युरा गे राप्‍चा माल्‍ब। मत्ती ५:४३,४४; लूका २३:३४

भजन संग्रह 109:6 ပူးပေါင်းရင်းမြစ်များ

जकरिया 3:1

मिनु परमप्रभु यावे आ स्‍वर्ग ङा गेय पाइबमी नेल्‍ल क्‍येङा ठेयब चढ़ेब यहोसु कोंइताक्‍यी। मेको परमप्रभु यावे आ स्‍वर्ग ङा गेय पाइब आ ङोंइती राप्‍शो बाक्‍त। मिनु सैतान मेको कली दोस गेचा कली आ ग्‍युरा गे राप्‍शो बाक्‍त। हाग्‍गै १:१; अय्‍युब १:९; प्रकाश १२:१०

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

मत्ती 5:25

इन कली मरिम्‍शो पाइब नु लांमी बाक्‍नीनुन, गारीने। मारदे हना मेकोमी इन कली अडडाम लाइश्‍शा, निसाफ पाइब आ ङोंइती चाक्‍दीप्‍ब। मिनु निसाफ पाइबमी पुलीस आन गुइमी गेब। मिनु पुलीसम जेल्‍खानम चोक्‍नीम। मत्ती १८:२३-३५; लूका १२:५८-५९

यूहन्‍ना 13:2

मिनु येसु नु आ शेंसीबपुकी नाक्‍दो ङा खमे जना जन बाक्‍शो बाक्‍तेक्‍म। आ शेंसीब सिमोन आ तौ इस्‍कारीयोती ङा यहूदा यो बाक्‍शो बाक्‍त। सैतानमी “येसु कली साइक्‍चा माल्‍ब आन कली वारच पावो” दे यहूदा कली मिम्‍पाइश्‍शो बाक्‍त। लूका २२:३

यूहन्‍ना 13:27

यहूदामी शोब्‍ले ताक्‍तु। मेना सैतान आ थुंमी ओव़त। मिनु येसुमी यहूदा कली “इ मिम्‍शो पावो” देंत।