भजन संग्रह 108:6 - Sunuwar Bible

⁶ मिनु इन सक्तिमी आंइ कली वारच पने। मिनु आं लोव़ लेत्‍तीनी। इन दाक्‍शोपुकी ब्रोंइमल। भजन संग्रह ६:७-१४

भजन संग्रह 108:6 ပူးပေါင်းရင်းမြစ်များ

२ सामुएल 12:25

मिनु मेको आ नें येदीदीयाह वोइक्‍चा माल्ब, दे आ लोव़ पाइब नाथान रे पा दाऊद कली लोव़ सोइक्‍ता बाक्‍त। येदीदीयाह आ अर्थ चहिं “परमप्रभु यावे आ दाक्‍शो मुर” बाक्‍ब।

१ राजा 18:24

मिनु गे इन देवता आ नें थिशा, मेको कली पुनीन। गो परमप्रभु यावे आ नें थिशा, मेको कली पुंइनुङ। मिनु पुंइशो नेंशा, मी सोइक्‍ब, परमप्रभु बाक्‍ब” देंमाक्‍त। मिनु मुर नेल्‍लेमी “दुम्‍ब इन देंशो लोव़ ठीक बाक्‍ब” देंमा बाक्‍त। उत्‍पत्ती १५:१७

१ राजा 18:26

मोपतीके मेको आन योव़शो ब्‍यफ लांइसीशा, क्‍योरशा चढ़ेशा, बाल आ नें थिशा सुनी रे नाक्‍त सम्‍म “ए बाल! आंइ कली लोव़ लेत्‍तीकी” दे ग्रीमा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मिनु मेकोपुकी मेको आन सेल्‍शो चढ़ेतीक आ एर ओंथ प्रेक्‍ना प्रेक्‍न सिल पामे बाक्‍त।

१ राजा 18:29

मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।

भजन संग्रह 54:1

परमप्रभु, इन नेंमी आं कली प्रोंइयीनी। इन ठेयब सक्तिमी आं कली दोस मताइब बाक्‍ब, दे कोंइदीन।

भजन संग्रह 57:6

मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।

प्रस्‍थान 15:6

परमप्रभु यावे, इन सक्ति ठेयब बाक्‍ब। इन सक्तिमी इन जोरी सत्रु आन कली थुम्‍पाइक्‍तीनी।

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

ब्‍यवस्‍था 33:12

मिनु बेन्‍यामीन आ पर्बम मार देंशो बाक्‍त, देंशा हना “परमप्रभु यावे आ दाक्‍शो महिंचा ङा पा नाइक्‍ब। नेल्‍ल क्‍येङा ठेयबमी मेको कली नाक्‍त रे कोव़ब। मेको आ दाक्‍शो मुर आ बला आस दातेम नाइक्‍ब” देंत।

कलस्‍सी 3:12

गेपुकी परमप्रभु यावे आ योव़शो, आंम आ दाक्‍शो मुर दुम्‍तीनी। मोपतीके शिशी पचा, रिम्‍शो पमुचा, ब्रेम्‍शो थुं पाइश्‍शो, ठेयब मलेत्‍थु टीब नु फाल्‍ब मुर दुमीने।