भजन संग्रह 108:3 - Sunuwar Bible

³ परमप्रभु यावे गो जात जात ङा मुर आन दातेमी इन कली “गे रिम्‍शो पाइब बाक्‍नीनी” देंनुङ। मिनु रागी रागी ङा मुर आन दातेमी इन कली ठेयब सेल्‍शा कुम्‍सो पाइनुङ।

भजन संग्रह 108:3 ပူးပေါင်းရင်းမြစ်များ

भजन संग्रह 117:1

रागी रागी ङा मुर नेल्‍लेम परमप्रभु यावे कली ठेयब सेलीन। जात जात ङा मुर नेल्‍लेम मेको कली मान पने! रोमी १५:११

भजन संग्रह 22:22

गो “इन नें ठेयब बाक्‍ब” दे आं लोक्‍ब आन कली शेंनुङमी। मिनु थमा सुइक्‍ब आन ग्रुम्‍तीकेमी इन नें ठेयब सेल्‍नुङ। भजन संग्रह २६:१२; हिब्रू २:१२

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

भजन संग्रह 96:10

गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। भजन संग्रह ९३:१

सेफन्‍याह 3:14

सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।

सेफन्‍याह 3:20

मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४