भजन संग्रह 107:3 - Sunuwar Bible

³ मेको आन कली रागी रागी रे खुप्‍ताक्‍मी। पूर्ब, पच्‍छिम, उत्तर, दक्‍खिन नु ब्‍वाक्‍कु बुक्‍तीके रे नु ब्‍वाक्‍कु शाइक्‍तीक रे खुप्‍ताक्‍मी।

भजन संग्रह 107:3 ပူးပေါင်းရင်းမြစ်များ

भजन संग्रह 106:47

मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। ब्‍यवस्‍था ३०:३; १इतिहास १६:३५

यसैया 49:12

नेनीन, मेकोपुकी ङोन रे जाक्‍नीम। मेकोपुकी उत्तर रे पच्‍छिम रे नु स्‍येने रागी रे जाक्‍नीम” देंत। स्‍येने रागी इजीप्‍त आ दक्‍खिनम यहूदी आन बाक्‍तीके का बाक्‍ब। मेको कली आस्‍वान यो देंनीम। लूका १३:२९

यसैया 54:7

गो इ कली याम का प्रोंइतन। तन्‍न गो इ कली शुश शिशी पा लेंशा खुप्‍ताक्‍न। भजन संग्रह ३०:६

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

येरमीया 29:14

मिनु गो इन कली थिप्‍पांइसीनुङ। इन जाम्‍शो शोंप इन कली गेनुङ। गो इन कली ग्‍याइश्‍शा लाइक्‍पाइश्‍शो रागी नेल्‍ल रे खुप्‍नुङ। तेको रागी रे इन कली ग्‍याइक्‍पदु, मेको रागीमी लेश्‍‍शा चाक्‍नन्‍नी” देंत। येरमीया ३०:३; येरमीया ३३:२६

येरमीया 31:10

गे रागी रागी ङा मुरपुकी, परमप्रभु यावे आ लोव़ नेनीन। ङोन ङा समुन्‍द्र आ नेक्‍था ङा रागी नेल्‍ल आन कली नेंपतीन। मेको आन कली ‘इस्राएल कली ब्रपाइक्‍बम मेको आन कली ग्रुम्‍पाइक्‍ब। मिनु गोठलाम आन बगाल आन कली खाल पशो खोदेंशो पा, मेकोमी इस्राएली आन कली कोव़ब’ देंत।

येरमीया 31:8

नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६

इजीकीएल 20:34

गो इन कली सक्ति पाइश्‍शो गुइ दिंशा चुरशा इन ब्रशा बाक्‍शो रागी रागी ङा मुर आन दाते रे ग्रुंइशा चाक्‍नन्‍नी। मिनु गे इन ब्रशो रागी रे इन कली ग्रुम्‍पाइक्‍नन्‍नी।

इजीकीएल 36:24

गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।

इजीकीएल 39:27

मिनु गो मेको आन कली रागी रागी ङा मुर आन दाते रे चाक्‍नुङमी। मिनु मेको आन कली आन जोरी सत्रु आन रागी रे खुप्‍नुङमी। मिनु गो शुश रागी ङा मुर आन ङोंइती मेको आन रे पा गो का ला परमप्रभु नङ, दे कोंइनुङमी।

ब्‍यवस्‍था 30:3

मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३