भजन संग्रह 106:2 - Sunuwar Bible

² सुमी परमप्रभु यावे आ सक्ति पाइश्‍शो गेय आ पर्बम देंने चाप्‍बा ङा? सुमी मेको कली ठेयब सेल्‍तीक नेल्‍ल देंने चाप्‍बा ङा? यूहन्‍ना २१:२५; हिब्रू ११:३२

भजन संग्रह 106:2 ပူးပေါင်းရင်းမြစ်များ

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

अय्‍युब 26:14

मेको आ सक्ति ङा आइक्‍च गेय ला बाक्‍नीम। मेको रे गो आइक्‍च सेंदा ङा लोव़ ला नेंतक। मिनु मेको आ सक्तिम पशो बुंबु, सुम रुप्‍ने चाप्‍बा ङा?” देंमाक्‍त।

अय्‍युब 5:9

मेकोमी ठेयब, रुप्‍ने मचाप्‍चा ङा नु छक लाक्‍चा ङा गेय हिक्‍ने मचाप्‍चा ङा पा पाइब। अय्‍युब ९:१०

भजन संग्रह 40:5

मिनु गो “परमप्रभु यावे, आं परमप्रभु, गे आंइ पर्बम पशो छक लाक्‍चा ङा गेय नु इन मिम्‍शो कोंइताक्‍की। मेको शुश बाक्‍नीम। इन खोदेंशो सुइ मबाक्‍नीम। गो मेको आन कली शेंशें दाक्‍ती, देंती हना यो, नेल्‍ल शेंने मचबु। मारदे हना मेको शुश बाक्‍नीम। भजन संग्रह १३९:१७-१८

रोमी 11:33

परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९

एफिसी 1:19

मिनु गो थमा सुइक्‍ब आंइ कली इन ठेयब सक्तिम मार पाइनीनी नु इन गेशो बोल गिश ठेयब बाक्‍मे, मेको रुप्‍तीक थुं यो गेने।

एफिसी 3:18

मो दुम्‍मेनु, मेकोपुकी नु नेल्‍ल थमा सुइक्‍बपुकीमी येसु ख्रीस्‍त आ मुर आन कली दाक्‍तीके गिश ब्रेम्‍शो, गिश दुइश्‍शो, गिश लाइश्‍शो नु गिश लुक्‍च लशो बाक्‍मे, मेको नेल्‍ल रुप्‍तीक थुं गेने।